16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Ապրիլի 20-ին ճրագալույցի պատարագից հետո կանթեղներով երթ կանցկացվի. Տեր Զարեհ քահանա Աշուրյան. ՏԵԱՍԱՆՅՈՒԹ
Հասարակություն
19.04.2019 | 19:05
Հայ առաքելական եկեղեցին այս տարի Հիսուս Քրիստոսի հրաշափառ հարության տոնը՝ Սուրբ Զատիկը նշելու է ապրիլի 21-ին: Նոր Նորքի Սուրբ Աստվածածին եկեղեցու հոգևոր հովիվ տեր Զարեհ քահանա Աշուրյանը տոնի արարողությունից մանրամասներ ներկայացրեց:
«Ապրիլի 20-ի երեկոյան՝ ճրագալույցի պատարագի ընթացքում սուրբ խորանից հռչակվում է և տրվում է ավետիսը՝ Քրիստոս հարյավ ի մեռելոց: Զատկական պատարագը պիտի լինի ապրիլի 21-ին»,- ասաց քահանան:
Ապրիլի 20-ին՝ ճրագալույցի պատարագից հետո, արդեն ձևավորված ավանդույթի համաձայն՝ Արարատյան հայրապետական թեմի երիտասարդները կանթեղներով երթ կանցկացնեն՝ Սուրբ Սարգիս եկեղեցուց մինչև Հանրապետության հրապարակ: Հրապարակում կանթեղները խաչի տեսքով կշարվեն գետնին:
«Այդպիսով, այսպես ասած, հաղորդագրություն ենք թողնում աշխարհին, որ մենք՝ հայերս, աշխարհի առաջին քրիստոնյա պետությունը լինելով, շարունակում ենք հավատարիմ մնալ մեր արմատներին և մեր ավանդույթներին: Հայության համար Սուրբ Ծնունդն ու Հարությունը տոների տոնն են համարվում, որովհետև այս երկու տոներով է պայմանավորված մարդկության փրկությունը»,- հավելեց տեր Զարեհ քահանան:
Մանրամասները՝ տեսանյութում:
