16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Գործող անվտանգության ռազմավարությունը կարելի է անվանել ազատ թեմայով շարադրություն. Ստյոպա Սաֆարյան. ՏԵՍԱՆՅՈՒԹ
Քաղաքականություն
19.04.2019 | 17:46
Եթե ուշադրություն դարձնենք, թե 2007 թվականից այս կողմ, երբ ընդունվել է Հայաստանի առաջին անվտանգության ռազմավարությունը, ինչ ֆորս-մաժորներ, պատերազմներ են տեղի ունեցել, ինչ նոր մարտահրավերներ են առաջացել, կարող ենք ասել, որ գործ ունենք իսպառ չգործող փաստաթղթի հետ: Հայաստանի ազգային անվտանգության ռազմավարության թեմայով քննարկման ժամանակ նման կարծիք հայտնեց քաղաքագետ Ստյոպա Սաֆարյանը:
«Եթե այդ փաստաթղթից որևէ բան կարող է ակտուալ լինել, լավագույն դեպքում դա ներքին անվտանգությանը վերաբերող հատվածը կարող է լինել՝ սահմանադրական կարգ, մարդու իրավունքներ և այլն, որոնք երբեք չեն փոխվում: Պատահական չէ, որ տարբեր երկրներ, այդ առումով օրինակ կարող է լինել ԱՄՆ-ն, մի քանի տարին մեկ թարմացնում են այդ փաստաթուղթը: Կարծում եմ՝ Հայաստանի դեպքում այն մի փոքր ավելի լայն պետք է լինի»,- ասաց քաղաքագետը:
Ըստ Սաֆարյանի՝ Հայաստանի դեպքում Անվտանգության խորհուրդը, որը կոչված է բոլոր քաղաքականություններն անվտանգության պրիզմայով անցկացնելու, այս գործառույթը չի իրականացրել. «Անհայտ է՝ այդ մարմինը նախկինում ինչպես է գործել, մենք լավագույն դեպքում իմացել ենք ԱԽ քարտուղարի անունը»:
Գործող փաստաթուղթը քաղաքագետն ազատ թեմայով շարադրություն է համարում: «Ինչպե՞ս են կազմել այն: Գուցե ուղարկել են տարբեր գերատեսչությունների կամ փորձագետների՝ ում հարկ են համարել, ով ինչքան գեղեցիկ բառեր իմացել է, միացրել է իրար, մեկ փաստաթղթի մեջ են բերել: Այնտեղ ո՛չ համակարգ ես տեսնում, ո՛չ մեթոդներ, ո՛չ չափանիշներ»,- նշեց նա:
Ստեփան Սաֆարյանը, միաժամանակ, դրական է գնահատում, որ հիմա անվտանգության ռազմավարության քննարկման գործընթացն ավելի լայն է և ընդգրկուն:
Մանրամասները՝ տեսանյութում:
