09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ո՞վ ինչպես 17 տարի առաջ ձեռք բերեց «Արարատցեմենտ» գործարանը 200 հազար դոլարով․ Հայկ Գևորգյան․ ՏԵՍԱՆՅՈՒԹ
Տնտեսություն
19.04.2019 | 12:43
Ազգային ժողովի «Իմ քայլը» խմբակցության պատգամավոր Հայկ Գևորգյանն այսօր խորհրդարանում քննարկվող Պետական տուրքի մասին օրենքում լրացումներ կատարելու նախագծի վերաբերյալ ԲՀԿ-ական պատգամավորների քննադատությանն անդրադառնալով նշեց, որ ստեղծվել է այնպիսի տպավորություն, որ իրենք՝ նախագիծն ԱԺ բերող ուժը, ժողովրդի թշնամին են։
«Ժանրի կանոնների համաձայն՝ ես այսօր պետք է ներկայացնեի, թե 17 տարի առաջ ով, ինչպես ձեռք բերեց «Արարատցեմենտ» գործարանը 200 հազար դոլարով՝ դա «Ռոբերտո» ընկերությունն էր, և ձեռք բերեց այն ժամանակ, երբ կային 35 մլն դոլարի ներդրումային ծրագրեր, որոնք մերժվեցին։ Ես նույն ժանրի կանոններով պետք է ներկայացնեի «Արարատցեմենտ»-ի վճարած հարկերը. օրինակ, ինչպես 2017 թվականին վճարեց 800 մլն դրամից ավել հարկ, իսկ 2018 թվականին՝ 1,4 մլրդ դրամով ավել հարկ։ Ժանրի կանոնների համաձայն՝ պետք է հարցնեի՝ դա ստվե՞ր էր, թե՞ ոչ: Կամ պետք է հարցնեի, թե ինչպես է այս ընկերության արտադրանքը Վրաստան արտահանվում 25 հազար դրամով, իսկ այստեղ վաճառվում էր 60 հազար դրամով։ Նորից ժանրի կանոնների համաձայն՝ պետք է հիմա հարցնեի՝ ո՞վ է ժողովրդի թշնամին, բայց կարծում եմ՝ դրա կարիքը չկա»,- ասաց իմքայլական պատգամավորը։
Մանրամասները՝ տեսանյութում։
Աղավնի Սուքիասյան
