11.09.2026 | 11:00
Կառավարության նիստը. ՈւՂԻՂ
«Շնորհակալ եմ անկեղծ կարծիքի համար». Միհրան Պողոսյանը` իր հետ աշխատել չցանկացող Կարեն Կարապետյանին
Քաղաքականություն
08.05.2017 | 17:24
Թիվ 1 ընտրատարածքից պատգամավոր ընտրված ԴԱՀԿ նախկին պետ Միհրան Պողոսյանը` պատասխանելով Factor.am-ի հարցին, թե իր ընտրողներին բացատրե՞լ է՝ որտեղի՞ց իրեն՝ պետական ծառայողին, նման ահռելի ունեցվածք, ասաց․«Նայած՝ ինչ եք հասկանում ահռելի ասելով։ Ահռելին շատ հարաբերական հասկացողություն է»։ Ինչպես հայտնի է, վարչապետ Կարեն Կարապետյանը հայտարարել էր, որ Միհրան Պողոսյանին չի տեսնում գործադիրում։
Կարեն Կարապետյանից «մերժված» Միհրան Պողոսյանը շնորհակալ է վարչապետից` անկեղծության համար։ «Եթե վարչապետն իր կարծիքն է ասել, ես գնահատում եմ դա և ասելիք չունեմ, շատ ուրախ եմ և շնորհակալ եմ անկեղծ կարծիքի համար»,- մեր հարցին ի պատասխան` ասաց Միհրան Պողոսյանը։
Ի դեպ, օֆշորային սկանդալում հայտնված Պողոսյանն անդրադառնալով նմանօրինակ նոր սկանդալներում հայտնվելու հեռանկարին` ասաց. «Այդ շոուն անցավ-գնաց»: Մանրամասները դիտեք տեսանյութում։
Մարինե Խառատյան
