19.06.2026 | 12:45
Մոսկվայի նավթավերամշակման գործարանի պահուստարանի կափարիչը պայթել է ռուսական ՀՕՊ-ի հրթիռից
Կառավարության կառուցվածքը քննարկվեց Կարեն Կարապետյանի ոճով. Գևորգ Գորգիսյան. ՏԵՍԱՆՅՈՒԹ
Քաղաքականություն
18.04.2019 | 15:43
Այստեղ քաղաքացին պետք է գնահատական տա՝ արդյո՞ք առաջնային խնդիրները դրանք են: ԱԺ-ում լրագրողների հետ զրույցում այս մասին ասաց ԼՀԿ խմբակցության պատգամավոր Գևորգ Գորգիսյանը՝ անդրադառանալով հարցին, թե ընդունելի՞ է Քաղաքացու օրվա միջոցառումների համար 124 մլն դրամ հատկացնելու մասին Կառավարության որոշումը:
«Մենք շատ լուրջ խնդիրներ ունենք, որոնք կապված են ճանապարհաշինության հետ: Շուտով տուրիզմի սեզոնն է սկսվում մեր ճանապարհները անմխիթար վիճակում են»,- ասաց նա:
Անդրադառնալով «Կառավարության կառուցվածքի և գործունեության մասին» ՀՀ օրենքի քննարկմանը՝ Գորգիսյանն ասաց, որ «Իմ քայլի» պատգամավորները քննարկումները ծավալել են՝ «մենք շատ ենք, մենք գիտենք՝ ինչ ենք անում» սկզբունքով: «Այս նույն ոճով քննարկվում էր նաև Կարեն Կարապետյանի բերած Կառավարության կառուցվածքի փոփոխությունների նախագիծը: Ես ասացի, որ դեժավյու եմ ապրում, որովհետև նույն բաներն ասում էր Արտակ Զեյնալյանը»,- հավելեց պատգամավորը:
Մանրամասները՝ տեսանյութում:
Նարեկ Կիրակոսյան
