15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Ձեր չափը ճանաչե՛ք, կա՛մ իրար հարգում ենք, կա՛մ վերջացնում ենք այս թատրոնը․ Սերգեյ Բագրատյանը՝ Վահագն Հովակիմյանին․ ՏԵՍԱՆՅՈՒԹ
Քաղաքականություն
18.04.2019 | 10:30
Ազգային ժողովի «Իմ քայլը» խմբակցության պատգամավոր Վահագն Հովակիմյանն այսօր խորհրդարանում ընդդիմադիր պատգամավորներին խորհուրդ տվեց նախքան երիտասարդ պատգամավորներին քննադատելը հիշել, որ սեփական խմբակցության ղեկավարը, 16 տարվա պատգամավոր լինելով, առաջին անգամ այս ամբիոնից ելույթ է ունեցել այս տարվա հունվարին:
«Դիմացինին կոմպետենտության մեջ մեղադրելու համար գոնե այդ հիշողությունը պետք է ունենալ»,- ասաց Հովակիմյանը ընդգծելով, որ երեք գումարման ԱԺ-ում երեք տասնյակ պատգամավոր ունեցող խմբակցությունից խորհրդարանի այս ամբիոնից միշտ ելույթ են ունեցել 5-6-ը:
Հովակիմյանի այս ելույթին արձագանքեց «Բարգավաճ Հայաստան» խմբակցության պատգամավոր Սերգեյ Բագրատյանը՝ կոչ անելով իրենց խմբակցության ղեկավարի հասցեին որևէ վիրավորական արտահայտություն չանել։
«Ինչպե՞ս եք մարդուն թույլ տալիս մարդկանց անվանարկել՝ առաջին անգամ ելույթ ունեցավ։ Դուք առաջին անգամ էնքան բան չեք արել ձեր կյանքում, չի կարելի։ Սա վերջին դեպքը լինի և Ձեզ խոստանում եմ, որ սրանից հետո մեր խոսակցությունն այլ կերպ կլինի։ Ձեր չափը ճանաչե՛ք, կա՛մ իրար հարգում ենք, կա՛մ վերջացնում ենք այս թատրոնը»,- ասաց Բագրատյանը։
Մանրամասները՝ տեսանյութում։
Աղավնի Սուքիասյան
