24.02.2026 | 12:34
Հայ բռնցքամարտիկները հաղթանակով են մեկնարկել հեղինակավոր մրցաշարում
Առերեսվե՛ք Ձեր աչքի գերանների հետ․ Վահագն Հովակիմյանը՝ ընդդիմադիր պատգամավորներին․ ՏԵՍԱՆՅՈՒԹ
Քաղաքականություն
18.04.2019 | 10:22
Ազգային ժողովում այսօր շարունակվեց Կառավարության կառուցվածքի փոփոխության մասին որոշման նախագծի քննարկումը։
ԱԺ «Իմ քայլը» խմբակցության պատգամավոր Վահագն Հովակիմյանը, անդրադառնալով նախագծի վերաբերյալ ընդդիմադիր պատգամավոր Էդմոն Մարուքյանի քննադատությանը, նշեց․ «Ես, իհարկե, հավատում եմ, որ Էդմոն Մարուքյանը ոչ միայն կոճակների, այլ մանրաթելերի մանրամասնությամբ կարող է տիրապետել Սերժ Սարգսյանի կոստյումի մանրամասնություններին, բայց ցանկանում եմ ընդգծել, որ մենք միշտ կրել ենք մեր կոստյումը և կրելու ենք մեր կոստյումը»։
Նա նաև նշեց, որ փորձեր են արվում նոր սերնդի պաշտոնյաների կոմպետենտությունը կասկածի տակ առնել և պիտակավորել, սակայն մինչ այդ պետք է հիշողություն ունենալ։
«Դիմացինին կոմպետենտության համար մեղադրելու համար գոնե այդ հիշողությունը պետք է ունենալ»,- ասաց Հովակիմյանը ընդգծելով, որ երեք գումարման ԱԺ-ում երեք տասնյակ պատգամավոր ունեցող խմբակցությունից խորհրդարանի այս ամբիոնից միշտ ելույթ են ունեցել 5-6-ը:
Հովակիմյանը՝ ընդդիմադիր պատգամավորներին հորդորեց․ «Առերեսվեք ձեր աչքի գերանների հետ դա ձեզ կօգնի առաջ գնալ»։
Մանրամասները՝ տեսանյութում։
Աղավնի Սուքիասյան
