03.09.2026 | 14:36
ՌԴ-ի հետ քննարկում ենք Աջափնյակի մետրոյի կայարանի կառուցման հարցը. Փաշինյան․ ՏԵՍԱՆՅՈՒԹ
Շարմազանովն ու Աշոտյանն արդեն այդ ելույթներն ունեցել են․ Մարուքյանն «Իմ քայլի» պատգամավորներին խորհուրդ է տալիս ՀՀԿ-ականներին չկրկնօրինակել․ ՏԵՍԱՆՅՈՒԹ
Քաղաքականություն
17.04.2019 | 14:47
«Զարմացած եմ՝ մի կողմից կան ընդդիմադիր գործընկերներ, որոնք մի ժամանակ այլ բան են ասել, հիմա՝ այլ բան, մի կողմից կան ՀԿ սեկտորից այստեղ եկած մարդիկ, որոնք միշտ ասել են, որ ուժային կառույցները պետք է լինեն խորհրդարանական վերահսկողության ներքո, այսօր այլ բան են ասում, երրորդ կողմից էլ ՝ կան նաև ելույթներ, որոնցով փառք են տալիս Կառավարությանը․ չեմ հասկանում իսկ դրա իմաստը ո՞րն է»,-Ազգային ժողովում Կառավարության կառուցվածքի փոփոխության մասին նախագծի վերաբերյալ քննարկումների ժամանակ ասաց ԱԺ ԼՀԿ խմբակցության պատգամավոր Էդմոն Մարուքյանը։
Անդրադառնալով ԱԺ «Իմ քայլը» խմբակցության պատգամավոր Համազասպ Դանիելյանի՝ ԱԺ ամբիոնից կարդացած դասախոսությանը՝ Մարուքյանը նշեց, որ այդ դասախոսության վերջին հատվածը սուտ էր, իսկ ինչ վերաբերում է նախկին համակարգը պաշտպանելուն, ապա խորհուրդ է տալիս նախկին համակարգը պաշտպանող ելույթներ չունենալ։
«Էդ ելույթներն ինչո՞ւ եք ունենում։ էդ ելույթները, թե այդ համակարգը լավ է աշխատում, մենք արդեն լսել ենք․Շարմազանովը, Աշոտյանը, Հրայր Թովմասյանն արդեն ունեցել են դրանք»,- ասաց Մարուքյանը։
Մանրամասները՝ տեսանյութում։
Աղավնի Սուքիասյան
