06.02.2026 | 15:45
Ինչ եղանակ է սպասվում առաջիկա օրերին
Ցույցեր ցրող փոխոստիկանապետից մինչև նոր Հայաստանի ոստիկանապետ․ Վալերի Օսիպյանը հեղափոխությունից առաջ․ ՏԵՍԱՆՅՈՒԹ
Տեսանյութեր
16.04.2019 | 19:04
Այսօր ՀՀ ոստիկանությունը նշում է կամզավորման 101-ամյակը։
Տոնի կապակցությամբ ոստիկանապետ Վալերի Օսիպյանը իր ելույթում նշեց, որ ոստիկանությունը բոլոր ժամանակներում պատասխանատու է երկրի ներքին անվտանգության, հանրության անդորրի, քաղաքացու ապահովության համար:
«Այդպես էր կայացման 20-ական թվականներին, դժվարին 30-ականներին, պատերազմական 40-ականներին: Այդպես էր 90-ականներին, երբ վերականգնվեց Հայաստանի ինքնիշխանությունը, և ոստիկանությունն առաջին պետական կառույցն էր, որի կամավոր ստորաբաժանումներն աշխարհազորի հետ ուս ուսի պաշտպանում էին երկրի սահմանները։ Այդպես էր նաև 2018 թվականին, երբ ոստիկանությունը հավատարիմ մնաց իր առաելությանը՝ հանուն երկրի անվտանգության, քաղաքացու իրավունքների և նոր Հայաստան կերտելու համաժողովրդական կամքին»,-ասաց ոստիկանապետը։
Մինչդեռ մեկ տարի առաջ ճիշտ այս օրը՝ 2018 թվականի ապրիլի 16-ին, ՀՀ ոստիկանությունը Բաղրամյան պողոտայում բռնություն կիրառեց խաղաղ ցուցարարների նկատմամբ՝ օգտագործելով հատուկ միջոցներ։ Դրա արդյունքում, հիշեցնենք, տարբեր աստիճանի վնասվածքներ ստացավ 54 քաղաքացի, այդ թվում՝ 6 ոստիկան։
Թե քանի ոստիկան է դրա համար պատասխանատվության ենթարկվել՝ կներկայացնենք առաջիկայում։
Մանրամասները՝ տեսանյութում։
