09.06.2026 | 19:04
Առաջիկա ժամերին Վանաձոր համայնքում սպասվում են հորդառատ անձրևներ, ամպրոպ և կարկուտ
Բոլոր լրագրողները թող Ծառուկյանին դիմեն որպես սեփականատեր. Գագիկ Ծառուկյան. ՏԵՍԱՆՅՈՒԹ
Հասարակություն
16.04.2019 | 13:04
Սրանից հետո բոլոր լրագրողները թող Ծառուկյանին դիմեն որպես սեփականատեր: Այսօր Ազգային ժողովում լրագրողների հետ զրույցում ասաց «Բարգավաճ Հայաստան» խմբակցության ղեկավար Գագիկ Ծառուկյանը:
Մեր հարցին՝ նախկինի հետ համեմատ՝ հիմա ինչպե՞ս է գնահատում ՊԵԿ-ի աշխատանքը, Ծառուկյանը պատասխանեց. «Ուզում եմ գնաք, իմ բոլոր կառույցներում հարցնեք: Ինչ Անանյանը եկել է պաշտոնի, ոչ թե մի օր, տասը օր, ամբողջ ուղղությունը Ծառուկյանն է: Ես էլ ասել եմ, որ օրենքի առաջ բոլորը հավասար են, ստուգում եք՝ գնացեք ստուգեք: Այնտեղից դուրս չեն գալիս»:
ԲՀԿ առաջնորդի խոսքով՝ երբ ժամանակը գա, բոլոր լրագրողներին կհավաքի, կետ առ կետ կներկայացնի, որ բոլորի համար պարզ լինեն «և՛ ՊԵԿ-ի կատարած գործերը, և՛ սկզբունքը, և՛ մոտեցումը»:
Ազգային ժողովում իշխող խմբակցության պատգամավորների հետ ԲՀԿ-ի «մենամարտի» մասին հարցին էլ Գագիկ Ծառուկյանը պատասխանեց. «Եթե որոշ պատգամավորներ պատգամավոր են դարձել, ոնց որ ասաց Նաիրա Զոհրաբյանը՝ ում շնորհիվ, և եթե այսօր առանց Նիկոլ Փաշինյանի, Սասուն Միքայելյանի, Արարատ Միրզոյանի և մի քանիսի հարյուր ձայն հավաքող չեն, որ խոսում են… Մենք ի՞նչ հարցեր ենք բարձրացնում, ժողովրդին անհանգստացնող խնդիրները»:
Նա, միաժամանակ, ընդունեց, որ նույն խնդիրն էլ, հնարավոր է, «Բարգավաճ Հայաստան» խմբակցությունում կա:
Մանրամասները՝ տեսանյութում:
Շողիկ Գալստյան
