11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Անցած տարի այս օրերին դրսևորվեց ՀՀ ոստիկանի ապաքաղաքական լինելը, ժողովրդի կողքին կանգնելը. Դավիթ Տոնոյան. ՏԵՍԱՆՅՈՒԹ
Հասարակություն
16.04.2019 | 12:14
Ցանկացած տոն առիթ է՝ անցածը վերագնահատելու, և լծակ՝ անսխալական լինելու հետագա գործողություններում: Ոստիկանության 101-ամյակի կապակցությամբ այսօր՝ ապրիլի 16-ին կազմակերպված միջոցառման ժամանակ այս մասին ասաց ՀՀ պաշտպանության նախարար Դավիթ Տոնոյանը՝ ՊՆ-ի և Զինված ուժերի անունից շնորհավորելով ոստիկանության ծառայողներին մասնագիտական տոնի կապակցությամբ:
«Այս 101 տարիները սերտորեն կապված են մեր երկրի անցած ուղու, մեր նորագույն պատմության հետ»,- հավելեց նախարարը:
Ըստ նրա՝ անցած տարվա այս օրերին էր, որ լավագույնս դրսևորվեց ՀՀ ոստիկանի ապաքաղաքական դիրքորոշումն ու մշտապես ժողովրդի կողքին լինելու պատրաստակամությունը: «Նվիրված ծառայողի այդ կեցվածքը, ինչպես նաև այսօր պետական սահմանին հայ զինվորի կողքին մարտական հերթապահության իրականացումը Ոստիկանության մեծ ու անգին ծառայությունն են հարազատ ժողովրդին, ինչը չափազանց բարձր է գնահատվում»,- ասաց Դավիթ Տոնոյանը:
Մանրամասները՝ տեսանյութում:
Լիլիթ Շաբոյան
