02.03.2026 | 15:45
Թումանյան փողոցում տեղակայված «Կարաս» սննդի օբյեկտի գործունեությունը կասեցվել է
ԱՄՆ Տեխասի նահանգում տասնյակ հազարավոր մարդիկ են տարհանվել Հարվի փոթորկի պատճառով
Քաղաքականություն
25.08.2017 | 20:12
ԱՄՆ-ի Տեխասի նահանգի իշխանությունները որոշել են տասնյակ հազարավոր բնակիչների տարհանել Հարվի հզոր փոթորկի մոտենալու պատճառով: Այդ մասին հայտնում Է Associated Press-ը. փոխանցում է interfax.ru-ն:
Տեխասի նահանգապետ Գրեգ Էբոթը գործի Է դրել ԱՄՆ-ի Ազգային գվարդիայի շուրջ 700 զինծառայողների և ուղղաթիռներ ուղարկել Օսթին և Սան Անտոնիո քաղաքներ:
Ակնկալվում Է, որ կկանգնեցվի նավթավերամշակման և գազամշակման գործարանների աշխատանքը, ինչը կարող Է խափանումների հանգեցնել Մեքսիկային նավթամթերքի մատակարարման գործում:
Օդերևութաբանների տվյալներով՝ Հարվի փոթորկն արդեն մինչև երկրորդ կատեգորիա Է ուժեղացել ըստ Սաֆիր-Սիմսոնի սանդղակի (ընդամենն այն ներառում Է հինգ կատեգորիա) և կարող Է հասնել երրորդին, երբ հասնի Տեխասի ծովափ՝ լուրջ վտանգ ներկայացնելով բնակիչների համար: Փոթորիկն իր հետ կբերի հորդառատ անձրևներ և ուժեղ քամի՝ առանձին շրջաններում մինչև 90 միլիմետր տեղումներով, ինչը կարող Է ջրհեղեղ առաջացնել: Սպասվում Է, որ Հարվին ԱՄՆ-ի հարավարևելյան ծովափին կհարվածի օգոստոսի 25-ի երեկոյան:
