17.01.2026 | 18:34
Մահացել է դերասանուհի Զառա Արամյանը
Կառավարության փոփոխությունների վերաբերյալ ոսկերչական հաշվարկ հնարավոր չէ․ Արտակ Մանուկյան․ ՏԵՍԱՆՅՈՒԹ
Քաղաքականություն
15.04.2019 | 16:41
Ազգային ժողովի պետա-իրավական հանձնաժողովում քննարկվող «Կառավարության կառուցվածքի և գործունեության մասին» Հայաստանի Հանրապետության օրենքում փոփոխություններ և լրացումներ կատարելու մասին» օրենքի նախագծի վերաբերյալ ԱԺ «Իմ քայլը» խմբակցության պատգամավոր Արտակ Մանուկյանը նշեց, որ պետք է ծավալել նախագծի վերաբերյալ ավելի շատ բովանդակային քննարկում և հասկանալ, թե գործառույթների ինչ փնջերն է ձևավորվելու այդ փոփոխությունների արդյունքում։
«Ցավոք այսօրվա քննարկումները ավելի շատ ծավալվեցին հուզական դաշտում, չքննարկվեց նախարարությունները բաշխելու գաղափարը»,-ասաց պատգամավորը։
Անդրադառնալով Կառավարության կառուցվածքի փոփոխության արդյունքում խնայված միջոցների մասին հարցին՝ Արտակ Մանուկյանը նշեց․
«Այս նախագծով չենք կարող հաշվել այդ արժեքը ոսկերչական ճշգրտությամբ, քանի որ նույն աշխատողը որը ստանում էր X չափի աշխատավարձ, այժմ կարող է ստանալ X+1: Մյուս կողմից՝ կան նաև հավելյալ աշխատատեղեր, որոնք կարող են ստանալ հավելյալ վճարումներ։ Այնպես որ կարող ենք հաշվել կառավարության փոփոխությունների ունեցած առավելագույն, միջին ազդեցություններն ընդամենը»,-ասաց պատգամավորը։
Մանրամասները՝ տեսանյութում։
