30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
«Միանգամայն անընդունելի է և ձախողման դատապարտված». Ամերիկայի Հայ դատի հանձնախումբը դատապարտել է Հոգլանդի հայտարարությունը
Քաղաքականություն
25.08.2017 | 13:19
Ամերիկայի Հայ դատի հանձնախումբը (ANCA) դատապարտել է ԵԱՀԿ Մինսկի խմբի ամերիկացի համանախագահ Ռիչարդ Հոգլանդի հայտարարությունը՝ այն անվանելով «միանգամայն անընդունելի» և «ձախողման դատապարտված». հաղորդում է armenianweekly.com-ը:
Ղարաբաղյան հակամարտության կարգավորման՝ Հոգլանդի առաջադրած 6 կետերը կոչ էին անում Լեռնային Ղարաբաղի շուրջ «օկուպացված տարածքները» վերադարձնել Ադրբեջանի վերահսկողության տակ:
«Լեռնային Ղարաբաղի շուրջ գրավված տարածքները պետք է հանձնվի Ադրբեջանի վերահսկողությանը։ Այնտեղ չի կարող լինել որևէ բնակեցում՝ առանց հաշվի առնելու Ադրբեջանի ինքնիշխանությունը։ Այդ տարածքների նկատմամբ Ադրբեջանի ինքնիշխանությունը պետք է վերականգնվի»,- ասել է Հոգլանդը, ըստ VOA- ի:
«Վարչակազմը ներկայացնում է Արցախի ոչնչացման ևս մեկ անհեթեթ բաղադրատոմս՝ ակնկալելով, որ մենք չենք հասկանում Հայաստանի պատմությունը, թե մեզ Արցախի հետ 100-տոկոսանոց համերաշխությունը բավարար չէ». ANCA-ի գործադիր տնօրեն Արամ Համբարյանը Armenian Weekly-ի հետ զրույցում հայտարարել է, որ այս ձևաչափը միանգամայն անընդունելի է և ձախողման է դատապարտված:
Համբարյանի խոսքով՝ հայտարարությունը Արցախի համար վտանգներ է ստեղծում խրախուսելով է՛լ ավելի ագրեսիվ դարձող Ադրբեջանին:
«Ցավոք, ԵԱՀԿ Մինսկի խմբի նոր համանախագահ Էնդրյու Շոֆերին իրավասություններ տրամադրելու փոխարեն, վարչակազմը հենց սկզբից նրան ծանր վիճակում է դրել՝ ներկայացնելով խեղաթյուրված և կեղծ շրջանակներ»,-մեկնաբանել է նա ANCA- ի պաշտոնական ֆեյսբուքյան էջում:
