11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Ոչ ոք չի հասկանում՝ ինչպես 14 մլն դոլար կաշառքի համար մեղադրվող Արամ Հարությունյանը կամ Գոնսալեսը երկրից դուրս եկան, իսկ «Սպայկայի» տնօրենը կալանավորվեց․ Կարեն Քոչարյան․ ՏԵՍԱՆՅՈՒԹ
Քաղաքականություն
12.04.2019 | 12:51
Քաղտեխնոլոգ Կարեն Քոչարյանը չի հասկանում, ինչպես է ստացվել, որ նախկին հանրապետական պատգամավոր, 14 մլն դոլար կաշառքի համար մեղադրվող Արամ Հարությունյանը կարողացավ Հայաստանից դուրս գալ, Գոնսալեսը՝ նույնպես, իսկ «Սպայկայի» նման խոշոր ընկերության տնօրենը կալանավորվեց:
Այս մասին այսօր հրավիրված մամուլի ասուլիսի ժամանակ իր մտահոգությունները հայտնեց քաղտեխնոլոգը՝ անդրադառնալով «Սպայկա» ընկերության տնօրենի կալանավորմանը։
««Սպայկա»-ի և ցանկացած այլ խոշոր տնտեսական միավորի հետ այդպես վարվելը չեմ հասկանում։ Խնդիրն այն է, որ եթե կատարվել է հանցագործություն՝ հարկեր չեն վճարվել, ապա կասկածից վեր է, որ պետք է իրականացվեն որոշակի գործողություններ։ Իսկ արդեն ապրիլ ամիսն է, այս տարի, ըստ մասնագետների, սպասվում է բավականին լուրջ բերք, և չկա այդ ընկերությանն այլընտրանքը: Ցավոք սրտի, ՀՀ-ի տնտեսությունը միշտ եղել է այնպիսին, որ շատ ոլորտներում այլընտանքներ չեն եղել: Կան մոնոպոլիաներ, հետևապես ես չեմ հասկանում «Սպայկա» ընկերության տնօրենի ձերբակալությունը»,- ասաց Կարեն Քոչարյանը։
Մանրամասները՝ տեսանյութում։
Աղավնի Սուքիասյան
