21.04.2026 | 09:52
Հողամասը վերադարձնելու անհնարինության պատճառով հօգուտ ՀՀ-ի կբռնագանձվի 26 մլն 789 հազար դրամ
«Բեստ Ֆրո՞ւթ», դա ի՞նչ է, առաջին անգամ եմ լսում այդ ընկերության մասին. ՊԵԿ նախագահ. ՏԵՍԱՆՅՈՒԹ
Տնտեսություն
11.04.2019 | 12:54
Առաջին անգամ եմ լսում այդ ընկերության մասին: Այսօր Կառավարության նիստից հետո լրագրողների հետ ճեպազրույցում ասաց ՊԵԿ նախագահ Դավիթ Անանյանը՝ պատասխանելով «Սպայկա»-ին փոխարինելու եկած «Բեստ Ֆրութ» ընկերության մասին հարցին:
«Մենք «Սպայկա»-ի ղեկավարության նկատմամբ նրանց արարքներին քրեաիրավական գնահատական տալու քննություն ենք իրականացնում: Եթե տնտեսագիտական կողմը նայենք, մենք՝ որպես Կառավարություն, ամեն ինչ անելու ենք, որ «Սպայկա»-ն, որպես տնտեսվարող սուբյեկտ, իր գործունեությունը շարունակի»,- հավելեց Դավիթ Անանյանը:
Հիշեցնենք, որ ավելի վաղ Factor.am-ը գրել էր, որ «Սպայկա»-ի շուրջ աղմուկից հետո շուկա նոր ընկերություն է մտնում՝ «Բեստ Ֆրութը», որ զբաղվելու է միրգ-բանջարեղենի մթերմամբ: Մեզ հայտնի է դարձել, որ ընկերությունը պատկանում է «Արման օյլ» ընկերության նախագահ, ՀՀԿ-ական Արման Ամիրաղյանին:
Մանրամասները՝ տեսանյութում:
Աղավնի Սուքիասյան
