19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Բանակում «ախպերությունն» արմատախիլ ենք անելու, դրա դրսևորումը մենք տեսանք Մեղրիում․ Անդրանիկ Քոչարյան․ ՏԵՍԱՆՅՈՒԹ
Քաղաքականություն
09.04.2019 | 16:07
Բանակում պետք է լինի եղբայրություն, բայց ոչ ախպերություն․ նման դրսևորումներ մենք տեսանք Մեղրիում և պետք է արմատախիլ անենք դրանք։
Այս մասին այսօր Ազգային ժողովի Պաշտպանության և անվտանգության հարցերի մշտական հանձնաժողովում ասաց հանձնաժողովի նախագահ Անդրանիկ Քոչարյանը։
Անդրադառնալով հանձնաժողովում քննարկվող «Զինվորական ծառայության և զինծառայողի կարգավիճակի մասին» ՀՀ օրենքում փոփոխություն կատարելու մասին որոշման նախագծին՝ Քոչարյանը մտահոգիչ համարեց նախագծի զեկուցող ԱԺ ԲՀԿ խմբակցության պատգամավոր Վահե Էնֆիաջյանի ներկայացրած վիճակագրությունը՝ կապված բանակում ինքնասպանությունների և դժբախտ միջադեպերի հետ։
Ըստ Քոչարյանի՝ ինքնասպանությունների թիվը շատ մտահոգիչ է, և ՊՆ-ն ու իր ղեկավարած հանձնաժողովը հետամուտ են լինելու՝ բացահայտելու համար դրանց պատճառները։
«Կոռուպցիայի հարցերը կարող ենք լուծել, դժբախտ պատահարները կարող ենք հասկանալ, բայց բանակում պետք է լինի եղբայրություն»,-ասաց Քոչարյանը։
Մանրամասները՝ տեսանյութում։
Աղավնի Սուքիասյան
