17.01.2026 | 16:33
Սուրեն Պապիկյանը մասնակցել է Հատուկ նշանակության ուժերի կազմավորման երկրորդ տարեդարձին նվիրված հանդիսավոր միջոցառմանը
Սիփան Փաշինյանը չի կիսում Էնֆիաջյանի տեսակետը, թե բանակում ինքնասպանություն չի գործում տարիուկես կամ մեկ տարի ծառայած զինվորը․ ՏԵՍԱՆՅՈՒԹ
Քաղաքականություն
09.04.2019 | 15:28
Ազգային ժողովի Պաշտպանության և անվտանգության հարցերի մշտական հանձնաժողովում ԲՀԿ խմբակցության պատգամավոր Վահե Էնֆիաջյանը ներկայացրեց իրենց խմբակցության օրենսդրական նախաձեռնությունը «Զինվորական ծառայության և զինծառայողի կարգավիճակի մասին» ՀՀ օրենքում փոփոխություն կատարելու վերաբերյալ։
Ըստ նախագծի զեկուցող ԱԺ ԲՀԿ խմբակցության պատգամավոր Վահե Էնֆիաջյանի՝ նախագծով առաջարկվում է քանի դեռ չի լրացել զինծառայողի ծառայության մեկ տարին, նրան մարտական հերթապահության չուղարկել։
Նախագծի վերաբերյալ հարակից զեկուցող ԱԺ «Իմ քայլը» խմբակցության պատգամավոր Սիփան Փաշինյանը նշեց, որ կա մարտական հերթապահության համար նախատեսված հստակ շրջափուլ, իսկ այս փոփոխությամբ այն պետք է փոփոխել: Բացի այդ, կա մարտական ծրագիր, որը հնգամսյա ժամկետում է զինվորին նախապատրաստում մարտական հերթապահության, այսինքն՝ առաջարկվող փոփոխությամբ նախատեսվում է նաև այս ծրագրի փոփոխություն։
Ի պատասկան ԲՀԿ-ական պատգամավորը ներկայացրեց վերլուծություն, ըստ որի, վերջին երկու տարվա ընթացքում արձանագրված դժբախտ պատահարների, ինքնասպանություններրի և միջադեպերի վիճակագրությունը ցույց է տալիս, որ արձանագրված ցուցանիշի մեջ մեծ թիվ են կազմում 18 տարեկանները։
«Բանակում երբևիցե ինքնասպանության չի գնում տարիուկես կամ մեկ տարի ծառայած զինվորը»,- նկատեց պատգամավորը՝ ինչին ի պատասխան Փաշինյանը նշեց, որ ինքնասպանության պատճառներն այլ տեղերում են և այս նախաձեռնությունն ինքնասպանությունը չի կանխելու։
Մանրամասները՝ տեսանյութում։
Աղավնի Սուքիասյան
