28.09.2026 | 10:25
Համլետ Մանուկյանը` World challenge cup-ի հաղթող, Արթուր Ավետիսյանը՝ արծաթե մեդալակիր. ՏԵՍԱՆՅՈՒԹ
Ադրբեջանի ՊՆ-ն Դավիթ Տոնոյանին «ահաբեկիչ» է կոչել և մեղադրել «Փաշինյանի դեմ դավադրության համար»
Քաղաքականություն
09.04.2019 | 15:05
Ադրբեջանի պաշտպանության նախարարությունն արձագանքել է ՀՀ պաշտպանության նախարար Դավիթ Տոնոյանի՝ «Մեդիամաքսին» տված հարցազրույցում արած հայտարարությանը՝ նրան «ահաբեկիչ» որակելով: Այս մասին գրում է minval-az-ը:
Ադրբեջանցիներին զայրացրել է Դավիթ Տոնոյանի արտահայտությունը, որ «անհրաժեշտության դեպքում մեր գրոհային խմբերը կարող են քաոս ստեղծել հակառակորդի թիկունքում»:
«Այդ մարդը, որը ներկայացնում է հայկական իշխանությունը, հանդես է գալիս միջազգային ահաբեկիչների ոճով՝ խաղաղ բնակչության հասցեին հնչեցնելով ակնհայտորեն սպառնալից հայտարարություններ, ինչն ապացուցում է, որ հենց Հայաստանի ներկայիս ղեկավարությունն է քաոս ստեղծում»,- ասել է Ադրբեջանի ՊՆ մամուլի ծառայության ղեկավար Վագիֆ Դյարգախլըն՝ հավելելով, որ Հայաստանի պաշտպանության նախարարի վերջին ելույթները «խորամանկ սխեմայի մաս են, որն ուղղված է Նիկոլ Փաշինյանի իշխանության դեմ և հաշվարկված է Դավիթ Տոնոյանի ապագա քաղաքական կարիերայի համար»:
Դյարգախլըն հավելել է, որ «Ադրբեջանի բանակը, որը լուրջ չի ընկալում պատերազմի մասին հայ պաշտոնյաների սպառնալիքները», միանգամայն պատրաստ է մարտի՝ իր հողերն «ազատագրելու համար»:
