21.04.2026 | 17:05
Անտոնիո Ֆերնանդեսը՝ ֆուտզալի Հայաստանի հավաքականի գլխավոր մարզիչ, Ռուբեն Նազարեթյանը նոր պաշտոն ունի
ԱԺ ԲՀԿ խմբակցությունն առաջարկում է մեկ տարի չծառայած զինվորին մարտական հերթապահության չուղարկել․ ՏԵՍԱՆՅՈՒԹ
Քաղաքականություն
09.04.2019 | 15:13
Ազգային ժողովի Պաշտպանության և անվտանգության հարցերի մշտական հանձնաժողովում ԲՀԿ խմբակցության պատգամավոր Վահե Էնֆիաջյանը ներկայացրեց իրենց խմբակցության օրենսդրական նախաձեռնությունը «Զինվորական ծառայության և զինծառայողի կարգավիճակի մասին» ՀՀ օրենքում փոփոխություն կատարելու վերաբերյալ։
Ըստ նախագծի հիմնավորման՝ դրա ընդունման արդյունքում կբացառվի պարտադիր ժամկետային զինվորական ծառայության անցնելու մեկ տարին չլրացած զինծառայողների ներգրավումը մարտական հերթապահության մեջ։
Արդյունքում մարտական հերթապահության մեջ կընդգրկվեն մարտական անհրաժեշտ պատրաստվածություն ունեցող զինծառայողները, ինչը կնպաստի մարտական հերթապահության ժամանակ մարդկային կորուստների նվազեցմանը և կնպաստի սահմանի պահպանման հուսալիության բարձրացմանը։
Բացի այդ, պարտադիր զինվորական ծառայության զորակոչված զինծառայողն էլ իր մարտական պատրաստվածությունը բարձրացնելու բավարար ժամանակ և հնարավորություն կունենա՝ հետագայում մարտական առաջադրանքներն էլ ավելի բարձր մակարդակով կատարելու համար։
Մանրամասները՝ տեսանյութում։
Աղավնի Սուքիասյան
