24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Գյումրիում դատապարտյալը ապօրինի դուրս է եկել ՔԿՀ-ից ու վիճաբանության ընթացքում կյանքին վտանգ սպառնացող վնասվածքներով տեղափոխվել ԲԿ
Հասարակություն
24.08.2017 | 19:48
ՀՀ հատուկ քննչական ծառայության քննիչի վարույթին է հանձնվել «Արթիկ» քրեակատարողական հիմնարկի աշխատակիցների կողմից պաշտոնեական դիրքը չարաշահելու փաստով ՀՀ քննչական կոմիտեում հարուցված քրեական գործը: Հատուկ քննչական ծառայությունից տեղեկացրին, որ քրեական գործի նախաքննությամբ փաստական տվյալներ են ձեռք բերվել այն մասին, որ «Արթիկ» ՔԿՀ-ի բաց ուղղիչ հիմնարկի դատապարտյալը, խախտելով ՀՀ ԱՆ քրեակատարողական ծառայության` կալանավորվածներին պահելու վայրերի և ուղղիչ հիմնարկների ներքին կանոնակարգի դրույթները, պարբերաբար լքել է նշված ՔԿՀ-ի տարածքը: Հիմնարկի պատասխանատու պաշտոնատար անձինք, տեղեկացված լինելով այդ մասին, չեն կատարել իրենց ծառայողական պարտականությունները և միջոցներ չեն ձեռնարկել դատապարտյալի ոչ իրավաչափ վարքագիծը կանխելու ուղղությամբ, ինչն էլ ծանր հետևանքներ է առաջացրել վերջինիս համար: 2017 թվականի հուլիսի 20-ին հիշյալ դատապարտյալը, հերթական անգամ խախտելով սահմանված կարգը, ապօրինի դուրս է եկել ՔԿՀ-ի տարածքից և Գյումրի քաղաքում` ժամը 03:25-ի սահմաններում, վիճաբանության բռնվել մի խումբ անձանց հետ: Այդ ընթացքում դատապարտյալն ստացել է կյանքին վտանգ սպառնացող մարմնական վնասվածքներ և տեղափոխվել բժշկական կենտրոն:
Այսպիսով, «Արթիկ» քրեակատարողական հիմնարկի` հատուկ ծառայություն իրականացնող մի խումբ պաշտոնատար անձանց կողմից պաշտոնեական դիրքը չարաշահելու փաստով հարուցվել է քրեական գործ` ՀՀ քրեական օրենսգրքի 308-րդ հոդվածի 2-րդ մասի հատկանիշներով:
Քրեական գործի նախաքննությունը շարունակվում է ՀՀ հատուկ քննչական ծառայությունում:
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով դատարանի` օրինական ուժի մեջ մտած դատավճռով:
