09.10.2026 | 15:02
Հայտնի է «եկեղեցու շուրջ ճգնաժամն» ուսումնասիրող քննիչ հանձնաժողովի կազմը
Հայաստանում բոլորը չէ, որ պիտի ունենան հավասար իրավունքներ. Վարդան Ղուկասյան. ՏԵՍԱՆՅՈՒԹ
Հասարակություն
09.04.2019 | 12:32
Խայտառակություն է Հայաստանի Հանրապետության թիվ մեկ քաղաքական ամբիոնը տրամադրել նման մարդկանց: Ազգային ժողովում լրագրողների հետ զրույցում այս մասին ասաց «Բարգավաճ Հայաստան» խմբակցության պատգամավոր Վարդան Ղուկասյանը՝ անդրադառնալով խորհրդարանի ամբիոնից տրանսգենդերի ելույթին և դրա շուրջ բարձրացած աղմուկին:
«Չեմ էլ ուզում դրանց անունները տալ, որովհետև երբ շատ ենք տալիս դրանց անունները, նպաստում ենք երեխաների այլասերմանը»,- ասաց պատգամավորը:
Դիտարկմանը, որ բոլոր մարդիկ հավասար իրավունքներ ունեն, Վարդան Ղուկասյանը պատասխանեց. «Ո՛չ, բոլոր մարդիկ հավասար իրավունքներ չունեն, դա Եվրոպայում է: Իսկ Հայաստանում մեր ավանդականն ավելի կարևոր է, քան այդ ամեն ինչը: Այդպիսիններին ընդհանրապես, ինչքան ես հիշում եմ, դրանց տեղ չեն տվել: Հիմա եթե ուզում եք եվրոպական այդ բարքերը բերել Հայաստան, չարաչար սխալվում եք: Մեծամասնությունը դրան դեմ է: Այլասերված վարքուբարքովները թող գնան՝ Հոլանդիայում ապրեն, ոչ թե Հայաստանի Հանրապետությունում»,- ասաց ԲՀԿ-ական պատգամավորը:
Մանրամասները՝ տեսանյութում:
Մհեր Արշակյան
