Տնտեսություն
08.04.2019 | 10:50Մենք 100 մլն դոլարի ներդրումային ծրագիի պիտի իրականացնեինք, բայց կալանքը խափանեց: «Սպայկա»-ի տնօրեն Դավիթ Ղազարյանի կալանավորման որոշման հրապարակումից հետո դատարանի բակում անցկացվող ցույցի ժամանակ ասաց ընկերության զարգացման գծով տնօրեն Կարեն Բաղդասարյանը:
«Նորագավիթում ջերմոցներ էին կառուցվելու, ավելի քան 1.000 աշխատատեղ պետք է ստեղծվեր: Ամբողջ ծրագիրը տարիների աշխատանք է մեզնից պահանջել: Այդ ծրագիրը հաստատվել է Կառավարության կողմից՝ այս Կառավարության կողմից, Նիկոլ Փաշինյանի կողմից: Կալանավորման այս որոշումը կոտրեց նաև Կառավարության ծրագիրը»,- հավելեց Բաղդասարյանը:
Նրա խոսքով՝ ստացվում է, որ Կառավարությունը ծրագրեր է մշակում, գործարարները հավատում են այդ ծրագրերին, հարյուր միլիոնավոր դոլարների անձնական երաշխավորություն են տալիս, որ Հայաստան փող գա, բայց արդյունքում «ՊԵԿ-ում նստած ինչ-որ չինովնիկ գրչի մի հարվածով կալանավորման միջնորդություն է ներկայացնում ինչ-որ ենթադրության հիման վրա»:
Մանրամասները՝ տեսանյութում:
Լիլիթ Շաբոյան
