21.04.2026 | 15:46
Պետությանը պատճառված 326 մլն դրամի վնասը վերականգնվել է․ ՔԿ
Ես Միքայել Մինասյանին ճանաչում եմ․ «Սպայկայի» տնօրենը՝ ընկերության հետ Միքայել Մինասյանի և Ռոբերտ Քոչարյանի հնարավոր կապի մասին. ՏԵՍԱՆՅՈՒԹ
Հասարակություն
05.04.2019 | 18:24
Պետական եկամուտների կոմիտեն կաթվածահար է արել «Սպայկա» ընկերության աշխատանքը։ Այս մասին այսօր լրագրողների հետ հանդիպմանը հայտարարեց ընկերության հիմնադիր-տնօրեն Դավիթ Ղազարյանը՝ պնդելով, որ «Գրինպրոդուկտ» ընկերությունը «Սպայկայի» հետ որևէ կապ չունի։
Լրագրողները հետաքրքրվեցին՝ ՀՀ երկրորդ նախագահ Ռոբերտ Քոչարյանը և երրորդ նախագահ Սերժ Սարգսյանի փեսա Միքայել Մինասյանը որևէ կա՞պ ունեն ընկերության հետ։
«Ռոբերտ Քոչարյանի մասով կապ չի եղել և չկա նման բան, էդ լուրերը երևի 8 տարի առաջ են պտտվել ԶԼՄ-ներում, որոնց մենք չենք պատասխանել, ասել ենք` դե, գրում են, գրում են»,- պարզաբանեց Դավիթ Ղազարյանը։
Factor.am-ի հստակեցնող հարցին՝ իսկ Միքայել Մինասյանի հետ առնչություն ունի՞ ընկերությունը, Ղազարյանն ասաց․ «Միքայել Մինասյանին անձամբ ես ճանաչում եմ, բայց մենք գործնական հարաբերություններ չունենք։ Մեր համասեփականատերը եղել է Ռոզա Ստեփանյանը»։
Դավիթ Ղազարյանի պնդմամբ՝ ընկերության սեփականատեր եղել է ոմն Ռոզա Ստեփանյանը, որը տարիներ առաջ է վաճառել իր բաժնեմասը։
Հիշեցնենք` երեկ ուշ երեկոյան հայտնի դարձավ, որ «Սպայկա» ընկերության տնօրեն Դավիթ Ղազարյանի նկատմամբ քրեական գործ է հարուցվել։ ՊԵԿ-ը դատարան միջնորդություն է ներկայացրել կալանավորել Դավիթ Ղազարյանին։
Մանրամասները՝ տեսանյութում։
Շողիկ Գալստյան
