23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Գյումրեցի Միքայելը վարչապետին խոստացավ թաղամասի աղբը մաքրել, նկարել, ուղարկել կառավարություն. ՏԵՍԱՆՅՈՒԹ
Հասարակություն
05.04.2019 | 18:09
Հայաստանի Հանրապետության վարչապետ Նիկոլ Փաշինյանը Գյումրի կատարած այցի ընթացքում շրջայց կատարեց ավտոկայանի տնակային 104-րդ ավանում։ Վարչապետը տնակային ավանում ծանոթացավ տեղի բնակիչների կենցաղային պայմաններին։
Ավտոկայանի տնակային 104-րդ ավանում առկա 164 տնակների բնակիչներին վարչապետը հորդորեց սպասել, մինչև տնակների օրինականության ու պետության կողմից նրանց նկատմամբ պարտավորությունների վերաբերյալ հարցերը կստանան իրենց պատասխանները։
«Մի կողմից ասում եք՝ տնակները վերացնենք, հետո ասում եք՝ սեփականաշնորհենք։ Պետք է հասկանալ՝ օրինակա՞ն են տնակները, թե՞ օրինական չեն, պետությունը ձեր նկատմամբ պարտավորություն ունի՞, թե՝ ոչ»,- ասաց Փաշինյանը։
Այնուհետ վարչապետը նկատեց, որ թաղամասում աղբ է կուտակվել, բնակիչներից հետաքրքրվեց, թե ինչու չեն մաքրում։ Ներկաներից Միքայել անունով մի պատանի վարչապետին խոստացավ խումբ հավաքվել, տարածքը մաքրել, լուսանկարները ուղարկել կառավարություն։
Մանրամասները՝ տեսանյութում։
Նարեկ Կիրակոսյան
