08.12.2025 | 16:06
ԱՄՆ-ը նախատեսում է առաջիկա երկու տարիների ընթացքում Ուկրաինային 800 միլիոն դոլարի ռազմական աջակցություն հատկացնել
Մարդու իրավունքների պաշտպանության ոլորտում ոչ թե դեկլարատիվ, այլ իրավիճակ փոխող ռազմավարության համար պետք է ձևաչափ փոխենք․ Դավիթ Ամիրյան․ ՏԵՍԱՆՅՈՒԹ
Քաղաքականություն
05.04.2019 | 13:12
Ազգային ժողովում այսօր՝ ապրիլի 5-ին, սկսվեցին «Մարդու իրավունքների ազգային օրակարգ. ՄԱԿ-ի համընդհանուր պարբերական դիտարկում» թեմայով խորհրդարանական լսումները:
«Բաց հասարակության Հիմնադրամներ-Հայաստանի» փոխտնօրեն Դավիթ Ամիրյանն իր ելույթում հույս հայտնեց, որ այս լսումները նոր սկիզբ կարող են դառնալ մարդու իրավունքների պաշտպանության ոլորտում քայլ առաջ արձանագրելու համար, ու այդ գործում մարդու իրավունքների պաշտպանությամբ զբաղվող ՀԿ-ների և պետական կառույցների աշխատանքն ունի առանցքային դեր։
Անդրադառնալով մարդու իրավունքների պաշտպանության հարցում ՀՀ-ի ստանձնած պարտավորություններին ու դրանց վերաբերյալ հանձնարարականներին, Ամիրյանը նկատեց․ «Այդ հանձնարարականները կամ պարտավորությունները չպետք է լինեն ինչ-որ միջազգային կառույցի առջև հաշվետու լինելու առիթ, այլ պետք է դառնան հնարավորություն մեր երկիրը մարդու իրավունքների պաշտպանության սկզբունքի հիման վրա կառուցելու, անձի արժանապատվությունն ապահովելու համար, սակայն այդ պարտավորությունները 2000 թվականներից սկսած եղել են հիմնականում ավելի շատ միջազգային կառույցների առաջ հաշվետու լինելու համար»,- նշեց Ամիրյանը։
Դավիթ Ամիրյանը նաև նշեց, որ իր համոզմամբ՝ «Մարդու իրավունքների ազգային օրակարգ. ՄԱԿ-ի համընդհանուր պարբերական դիտարկում»-ը և մարդու իրավունքների պաշտպանության ոլորտում այլ ռազմավարությունների մշակումը միայն մեկ նախարարությանը թողնելը արդյունավետ չէ, ուստի, որպեսզի ունենանք իրապես այնպիսի ռազմավարություն, որը չի լինի դեկլարատիվ, այլ կփոխի մշայկույթ և իրավիճակ, պետք է գտնել նոր ձևաչափ։
Մանրամասները՝ տեսանյութում։
Աղավնի Սուքիասյան
