16.01.2026 | 15:07
Սուրեն Պապիկյանն այցելել է ՊՆ զորամասերից մեկը
Մարտին Ազգային ժողովում 47,5 մլն դրամի պարգևավճար է բաժանվել
Տնտեսություն
05.04.2019 | 20:53
Մարտին Ազգային ժողովում պարգևավճարներ են բաժանել: Ընդհանուր պարգևավճարների բյուջեն կազմել է 47,5 մլն դրամ: Այս մասին Factor.am-ին տեղեկացնում են Ազգային ժողովի լրատվության և հանրության հետ կապերի վարչությունից:
Նշյալ գումարի 13 մլն 160 հազար դրամը Ազգային ժողովը Մարտի 8-ի առթիվ որպես պարգևավճար բաժանել է 396 կին աշխատակցի, որոնց թվում են նաև կին պատգամավորները: Իսկ ահա 176 աշխատակցի մարտ ամսվա համար 34 մլն 318 հազար ՀՀ դրամի պարգևավճար է տրվել:
Մեր գրավոր հարցման մեջ խնդրել էինք տրամադրել նաև պարգևավճար ստացած աշխատակիցների անուններն՝ առանց անհատական գումարի չափի նշման, սակայն Ազգային ժողովի աշխատակազմից մերժել էին: Որպես հիմնավորում նշված է, որ այն անձնական տվյալ է և հրապարակման ենթակա է միայն տվյալ անձի համաձայնության դեպքում:
Հիշեցնենք, որ ոչ վաղ անցյալում Երևանի քաղաքապետարանը հրապարակել էր պարգևատրվածների ցանկը:
Նարեկ Կիրակոսյան
