09.10.2026 | 15:35
Երևանում սպասվում են կարճատև անձրևներ
Արթուր Վանեցյանը՝ իր մոր պաշտոնից ազատման մասին. ՏԵՍԱՆՅՈՒԹ
Հասարակություն
04.04.2019 | 14:52
Ազգային անվտանգության ծառայության տնօրեն Արթուր Վանեցյանն այն համոզմանն է, որ վարչապետի որոշումները չպետք է քննարկվեն․ դրանք պետք է կատարվեն։
Այս մասին այսօր՝ ապրիլի 4–ին լրագրողների հետ ճեպազրույցում ասաց Վանեցյանը՝ անդրադառնալով իր մորը՝ Մարգարիտ Ազարյանին վարչապետի կադրերի և անձնակազմի կառավարման վարչության պետի պաշտոնից ազատելու որոշմանը։
Լրագրողի դիտարկմանը՝ կան կարծիքներ, որ դա քայլ էր՝ ուղղված Արթուր Վանեցյանի դեմ, ԱԱԾ տնօրենը պատասխանեց.
«Որոշման մեջ պարզ գրված է՝ իր դիմումի համաձայն»։
Իսկ հարցին, որ վարչապետի մամուլի խոսնակ Վլադիրմիր Կարապետյանը այլ մեկնաբանություն էր արել, ԱԱԾ տնօրենը պատասխանեց․
«Վարչապետի խոսնակի մեկնաբանությունը մեկնաբանելու ցանկություն չունեմ, ինչ ասվել է, ասվել է։ Մի անձնավորեք այս գործընթացը։ Իմ մայրն աշխատել է պետական համակարգում երկար տարիներ, իմ և մորս աշխատանքն իրար մի կապեք, այդ թեման փակեք»։
Մանրամասները՝ տեսանյութում։
