17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Ավտոշուկան ուզում է շարժվի վարչապետի նստավայր, Օսիպյանն ասում է՝ համբերեք. ավտոներկրող. ՏԵՍԱՆՅՈՒԹ
Հասարակություն
04.04.2019 | 15:35
Ավտոներկրողները քիչ առաջ բողոքի ակցիա էին իրականացնում Ազգային ժողովի շենքի դիմաց: Պատճառը 2020 թվականի հունվարից բարձրացող ներկրման հարկերն է:
Ավտոներկրողների խոսքով՝ հինգ տարեկան ավտոմեքենաների համար վճարում են 32 տոկոս հարկ:
«Եթե ես ներկրում եմ 2015 թվականի արտադրության մեքենա, պարզ է, որ այն թանկարժեք է, և ես նրա գնի 32 տոկոսը պետք է վճարեմ պետական բյուջե: Հիմա օրենքը փոխում են, որից հետո այլևս չենք վճարում մեքենայի շուկայական արժեքի 32 տոկոսը: Ասում են՝ ըստ շարժիչի պետք է վճարենք հինգ եվրո: Եթե մեքենայի շարժիչի ծավալը 2.5 է, այսինքն՝ լինում է երկու հազար հինգ հարյուր կուբ, ստացվում է՝ 2.500 անգամ հինգ եվրո, որն անում է 12.000 եվրո, իսկ դրամով՝ 9 մլն դրամ: Ստացվում է, որ ներկրման համար այսքան գումար ենք վճարելու: Հիմա այս նույն մեքենայի համար վճարում ենք 400.000 ՀՀ դրամ»,- ասաց բողոքողներից մեկը:
Այս փոփոխությունները պայմանավորված են Հայաստանի՝ ԵՏՄ անդամ երկիր լինելով: Ավտոներկրողների միության նախագահ Տիգրան Հովհաննիսյանն էլ նշեց, որ խնդիրը քննարկել են պետական կառույցների ներկայացուցիչների հետ, բայց հարցը լուծում չի ստացել:
Բողոքողների հետ հանդիպեց ԱԺ պատգամավոր Միքայել Մելքումյանը: Մանրամասները՝ տեսանյութում:
Նարեկ Կիրակոսյան
