17.01.2026 | 18:22
ՀՀ տարածքում կան փակ ավտոճանապարհներ
Վարչապետը հետաքրքրվեց՝ արդյոք գյուղացիների համար հստակե՞ցվել է, որ սեզոնային գյուղատնտեսական աշխատանքներով զբաղվելու դեպքում չեն զրկվի նպաստներից․ ՏԵՍԱՆՅՈՒԹ
Տնտեսություն
04.04.2019 | 13:47
Կառավարությունը ապրիլի 4-ի նիստում ընդունեց որոշման նախագիծ, որով առաջարկվում է փոփոխություններ կատարել Կառավարության 2018 թվականի հուլիսի 19-ի N 893-Լ որոշման մեջ։
Այս որոշմամբ 2018 թվականից մեկնարկել է ծրագիր, որով ագրոպարենային ոլորտի տնտեսվարողներին մատչելի պայմաններով վարկեր են տրամադրվում գյուղատնտեսական սարքավորումներ ձեռք բերելու համար, և այդ նպատակով տրվող գումարի շեմը չէր կարող գերազանցել 230 մլն դրամը։
Այժմ կառավարությունը կատարում է փոփոխություն՝ 230 մլն դրամի շեմը բարձրացնելով և հասցնելով 450 մլն դրամի՝ միևնույն ժամանակ տալով հնարավորություն ավելի մեծ թվով մարդկանց զբաղվել գյուղատնտեսական աշխատանքով։
Այս նախագծի վերաբերյալ վարչապետ Փաշինյանը հետաքրքրվեց՝ արդյոք համապատասխան գերատեսչությունները գյուղացիների համար հստակեցրել են, որ սեզոնային գյուղատնտեսական աշխատանքներով զբաղվելու դեպքում չեն զրկվի նպաստներից։
Փաշինյանը նաև հավելեց, որ նպաստների տրամադրման կարգում կա ուսումնասիրության անհրաժեշտություն, քանի որ կան դեպքեր, երբ նպաստ ստացող մարդը ամսական 1 մլն դրամ վարկ է վճարում։
Մանրամասները՝ տեսանյութում։
Աղավնի Սուքիասյան
