Քաղաքականություն
04.04.2019 | 13:24Ես մեկ տարի աշխատել եմ «Քաղաքացիական պայմանագիր» կուսակցությունում որպես հասարակայնության հետ կապերի և առաջխաղացման բաժնի ղեկավար: Ըստ այդմ, գնահատելով աշխատանքս, ինձ առաջարկվել է աշխատանք՝ աշխատակազմի ղեկավարի տեղակալի պաշտոնում: Այս մասին Factor.am-ի հետ զրույցում ասաց Ազգային ժողովի աշխատակազմի ղեկավարի տեղակալ Լիլիթ Մինասյանը՝ պատասխանելով հարցին՝ արդյոք ճի՞շտ են տեղեկությունները, որ իր նշանակումն այս պաշտոնում եղել է ՔՊ-ից:
Լիլիթ Մինասյանից հետաքրքրվեցինք՝ մասնակցե՞լ է հեղափոխությանը և ի՞նչ է արել այդ օրերին:
«Ինչպես ցանկացած ՀՀ քաղաքացի, մասնակցել եմ հեղափոխության գործընթացին և շատ սերտ կապեր եմ ունեցել ամբողջ թիմի հետ»,- ասաց Լիլիթ Մինասյանը, ապա հավելեց. « Ինձ իմ մասնագիտական հմտությունների համար են նշանակել այս պաշտոնին»:
Մանրամասները՝ տեսանյութում:
Նարեկ Կիրակոսյան
