10.10.2026 | 11:12
Վարորդական վկայական ստանալու «պարզեցված» առաջարկները խարդախություն են․ ՆԳՆ-ն զգուշացնում է
Ավագ դպրոցներին տրվել են աշխարհի վատագույն շենքերը, ստացել ենք այդպիսի ժառանգություն. Արայիկ Հարությունյան. ՏԵՍԱՆՅՈՒԹ
Հասարակություն
02.04.2019 | 14:33
ՀՀ ԿԳ նախարար Արայիկ Հարությունյանը կարծում է, որ 12-ամյա կրթությունն արդյունավետ է, եթե բովանդակություն ունի: Նախարարն այս մասին ասաց «Կրթական խնդիրները նոր Հայաստանի հին գյուղերում» խորագրով քննարկման ժամանակ՝ անդրադառնալով 12-ամյա կրթության համակարգին անցմանը:
«Այս անցումը շատ թերի է կատարվել, անցման ժամանակ հստակ տարանջատում չի եղել, ինչը նաև նպաստել է նրան, որ համակարգի նկատմամբ լինի անվստահություն»,- հավելեց նա:
Ըստ Հարությունյանի՝ սխալ հաշվարկներ էլ են եղել, թե որ դպրոցը պետք է վերածել ավագի, այն ինչ հեռավորություն պետք է ունենա հիմնական դպրոցներից:
«Այստեղ նորից բախվել ենք ճանապարհների, ենթակառուցվածքների, տրանսպորտի խնդրին, որոնք պետք է լուծել: Ընդ որում՝ ավագ դպրոցներին տրվել են աշխարհի վատագույն շենքերը»,- ասաց Արայիկ Հարությունյանը:
Մանրամասները՝ տեսանյութում:
Ռոբերտ Անանյան
