17.01.2026 | 18:34
Մահացել է դերասանուհի Զառա Արամյանը
Հեռու գյուղերում լավ մասնագետների խնդիր կա․ Աճարկուտի դպրոցի տնօրեն Արտակ Վարդումյան. ՏԵՍԱՆՅՈՒԹ
Հասարակություն
02.04.2019 | 13:29
Աճարկուտի դպրոցի տնօրեն Արտակ Վարդումյանն այսօր «Հոդված 3» ակումբում հրավիրված «Կրթական խնդիրները նոր Հայաստանի հին գյուղերում» թեմայով քննարկման ժամանակ ասաց, որ իրենց գյուղը շատ խնդիրներ ունի, բայց ինքը ցանկանում է խոսել հեղափոխությունից հետո ստեղծված իրավիճակից․ «Տնօրենից, ուսուցչից, աշակերտից, գյուղապետից սկսած բոլորը նախ իրենց ներսում պիտի փոփոխություն անեն։ Միայն կառավարության միջոցով բոլոր խնդիրները չեն լուծվում, այդ խնդիրներին անհրաժեշտ է համատեղ լուծում»։
Տնօրենի խոսքով՝ 1971 թվականից սկսած իրենց դպրոցը ունի խնդիրներ․ «Դպրոցը կառուցվել է, որպես տիպիկ հանրակրթական դպրոց, այն կառուցվել է անտառտնտեսության կողմից և գտնվում է «Հայանտառ» ՊՈԱԿ-ի հաշվեկշռում, դրա հետ կապված խնդիր ունենք հանրակրթական լիցենզիա ստանալու գործում»։
Դպրոցի տնօրենն ասաց, որ գյուղում տրանսպորտային խնդիր ունեն․ աշակերտները միջնակարգ դպրոց հասնելու համար դժվարությունների են բախվում, բացի այդ, ըստ Վարդումյանի, հեռու գյուղերում կա նաև լավ մասնագետների սղություն։
Մանրամասները՝ տեսանյութում։
Նշենք, որ Աճարկուտի դպրոցի խնդիրներին Factor.am-ն անդրադարձել էր, իր «ԴՊՐՈՑԻ ՃԱՄՓԱՆ ԴԺՎԱՐ Է, ԵՐԿԱՐ․ ԱՃԱՐԿՈՒՏ Կյանքը նոր Հայաստանի հին գյուղերում» վերտառությամբ նյութում:
