05.06.2026 | 19:56
1 մլրդ դրամից ավելի է ծախսվել արտահիմնադրամային միջոցներից․ Եգորյանը՝ «Ուժեղ Հայաստան»-ի մասին. ՏԵՍԱՆՅՈՒԹ
Լավ կլիներ, որ եկեղեցի կառուցելու փոխարեն լիներ մեկ գործարար՝ մեկ դպրոց. Հովհաննես Հովհաննիսյան. ՏԵՍԱՆՅՈՒԹ
Հասարակություն
02.04.2019 | 13:56
Մենք տարիներ շարունակ լսել ենք, որ կրթությունը կարևոր է, բայց դրա իրականացման քայլերը չենք տեսել: Factor.am-ի «Կյանքը նոր Հայաստանի հին գյուղերում» նախագծի հետքերով այսօր կազմակերպված «Կրթական խնդիրները նոր Հայաստանի հին գյուղերում» խորագրով քննարկման ժամանակ ասաց ՀՀ ԱԺ «Իմ քայլը» խմբակցության պատգամավոր Հովհաննես Հովհաննիսյանը:
Նրա հավաստմամբ՝ հանդիպումներ են ունեցել նախարարների հետ, բավական բաց քննարկումներ են եղել, սուր հարցադրումներ հնչել, և հիմա իրական քայլեր են արվում՝ լուծելու տարիներ շարունակ կուտակված խնդիրները:
«Երբ Արայիկ Հարությունյանի հետ եկանք ԿԳ նախարարություն, մեր առաջին քայլը երկու դպրոցի օպտիմալացումը կանխելն էր, որովհետև մենք բոլորս շատ լավ հասկանում ենք, որ դպրոցը գյուղի բաբախող սիրտն է: Եթե գյուղում դպրոց չի լինում, այդ գյուղը մահանում է»,- հավելեց Հովհաննես Հովհանիսյանը:
Պատգամավորի խոսքով՝ տարիներ շարունակ տեսել ենք, որ յուրաքանչյուր գործարար իր պարտքն է համարել եկեղեցի կառուցել: «Վատ բան չեն արել, բայց շատ լավ կլիներ՝ լիներ «մեկ գործարար՝ մեկ դպրոց» ծրագիր, որովհետև բոլորս էլ հասկանում ենք, որ պետությունը չունի այսօր այն ֆինանսական ռեսուրսները, որ մեկ օրվա մեջ հազար դպրոց կարողանա վերանորոգել: Այս գիտակցումը պետք է գա գործարար շրջանակներից՝ նաև ձեր միջոցով»,- հավելեց Հովհաննես Հովհաննիսյանը:
Մանրամասները՝ տեսանյութում:
Ռոբերտ Անանյան
