01.07.2026 | 14:35
«Խնդրում ենք ընդունել Սահմանադրության տառին և ոգուն համապատասխան որոշում». կոչ՝ ՍԴ անդամներին. ՏԵՍԱՆՅՈՒԹ
Դիլիջանի ամենամեծ փողոցը մանկապիղծ Կալինինի անունն է կրում. Նարինե Թուխիկյանը՝ փողոցների անվանափոխության մասին
Հասարակություն
23.08.2017 | 14:11
«Ելք»-ի առաջարկից առաջ փողոցներն անվանափոխելու ցանկությունն իմ մեջ վաղուց էր արթնացել, հատկապես՝ Նաիրի Զարյանի անվան դպրոցի առումով: Այս մասին այսօր լրագրողների հետ հանդիպմանն ասաց Հ. Թումանյանի տուն-թանգարանի տնօրեն Նարինե Թուխիկյանը, անդրադառնալով «Ելք» դաշինքի առաջարկությանը, ըստ որի՝ Երևանի այն փողոցները, որոնք դեռևս կրում են սովետական տարիների հետքը, պետք է վերանվանվեն հայ հայտնի գործիչների անուններով: Նրանք առաջարկում են սկսել Լենինգրադյան, Կասյան և Միկոյան փողոցներից:
«Եթե ճանաչում ես Նաիրի Զարյանին և իր կատարած «քաջագործությունները», ուրեմն պետք է հասկանաս, որ այդ մարդու անունով չի կարող հանրակրթական կրթօջախ լինել, և սա հակամանկավարժական է»,- ասաց Նարինե Թուխիկյանը՝ ընդգծելով, որ մարզերում ևս փողոցներ անվանափոխելու կարիք կա:
«Մենք հիմա խոսում ենք Դիլիջանի մասին՝ իբրև զբոսաշրջային կենտրոնի, որտեղ միջազգային ներդրումներ են արվում և այլն, ևայլն, բայց մտնում ես քաղաք, մեկ հատ նորմալ հայի անունով փողոց չկա, և ամենամեծ փողոցը մանկապիղծ Կալինինի անունով է կոչվում. ինչո՞ւ է այդպես` ես չեմ հասկանում»,- ասաց բանախոսը:
Առավել մանրամասն՝ տեսանյութում:
