23.04.2026 | 12:59
Հաստատված խաղաղությունը հիմնված է փոխվստահության վրա․ ԱԽ քարտուղար
Արայիկ Հարությունյանը թելադրություն է տվել Ամրակից գյուղի դպրոցում․ մասնակցել են նաև 50-60 տարեկան մարդիկ
Հասարակություն
30.03.2019 | 18:08
ՀՀ կրթության և գիտության նախարարությունը ֆեյսբուքի պաշտոնական էջից տեղեկանում ենք, որ մեկնարկել է «Թելադրություն» համահայկական կրթական նախագիծը, որին մասնակցել են տարիքային տարբեր խմբերի՝ 12-13 և 50-60 տարեկան 25 մասնակից։
«ՀՀ կրթության և գիտության նախարար Արայիկ Հարությունյանը թելադրել է Լոռու մարզի Ամրակից գյուղի միջնակարգ դպրոցում։
Այստեղ համահայկական թելադրությանը մասնակցել է տարիքային տարբեր խմբերի՝ 12-13 և 50-60 տարեկան 25 մասնակից։
Թելադրության տեքստը գրվել է ժամանակակից հեղինակի կողմից՝ հատուկ այս նախագծի համար, և նվիրված է Հովհ. Թումանյանի 150-ամյակին։ «Թելադրություն» նախագիծն իրականացվել է 40 տարբեր սրահներում միաժամանակ, որոնց ցանկը նախապես հրապարակվել էր։ Մասնակիցները նախապես պետք է գրանցվեին այդ նպատակով ստեղծված էլեկտրոնային հարթակում։
Նախագծի սկզբունքներն են՝ անանունությունը, թելադրության ստուգման մասնագիտական մոտեցումը և դրա անցկացման կարգի, տեքստի ու ժամանակի միասնությունը:
Նշենք, որ այս տարի նախագիծն ընդլայնել է իր աշխարհագրությունը, և հարթակներ են բացվել նաև Ռուսաստանում՝ Մոսկվա, Սանկտ-Պետերբուրգ, Սամարա, Պոդոլսկ, Ուկրաինայում՝ Դնեպր, Բելառուսում՝ Մինսկ, Գերմանիայում` Քյոլն, Չեխիայում` Պրահա, Շվեյցարիայում՝ Նոշատել, Սիրիայում՝ Հալեպ»,- ասված է հաղորդագրությունում:
