16.01.2026 | 15:07
Սուրեն Պապիկյանն այցելել է ՊՆ զորամասերից մեկը
«Իմ քայլի» պատգամավորն առաջարկում է թոշակի անցած սպաներին ուղարկել սահման՝ մարտական հերթապահության
Քաղաքականություն
29.03.2019 | 17:10
Ազգային ժողովի «Իմ քայլը» խմբակցության պատգամավոր Արամ Խաչատրյանը պատրաստվում է օրենքի նախագիծ դնել շրջանառության մեջ, որով թոշակի անցած սպաներին հնարավորություն կտրվի սահմանում ծառայություն իրականացնել: Այս մասին Factor.am-ի հետ զրույցում ասաց նա, պատասխանելով հարցին, թե ի՞նչ օրենսդրական նախաձեռնություններ է պատրաստվում հեղինակել:
«Աշխատում եմ մի նախագծի վրա, որի ընդունումից հետո հնարավորություն կտրվի պահեստազորի սպաներին գնալ սահման: Նրանք թոշակի են անցել, քննարկվում է, որ թոշակից չկտրվեն և աշխատավարձ ստանան: Առաջին հերթին անվտանգության խնդիրն է լուծվում, երկրորդ՝ այդ անձինք աշխատանք են ունենում»,- ասաց նա:
Պատգամավորի ներկայացմամբ՝ խոսքը 1400 սպայի մասին է, որոնք պետք է կցվեն զորքին և մարտական հերթապահություն իրականացնեն. «Գնան սահման և կցվեն հրաձգային և մոտոհրաձգային զորքին ու առաջին գծում կանգնեն: Իրենց հետ պետք է կնքվի աշխատանքային պայմանագիր: Հիմա ուզում եմ պիլոտային կարգով անել, տեսնել, թե ինչ կստացվի»:
Պատգամավորի խոսքով՝ թոշակի անցած սպաներն են իրեն առաջարկել, որ նման օրենսդրական նախաձեռնությամբ հանդես գա:
Նարեկ Կիրակոսյան
