09.10.2026 | 15:02
Հայտնի է «եկեղեցու շուրջ ճգնաժամն» ուսումնասիրող քննիչ հանձնաժողովի կազմը
Կտրամադրվեն 2 և 0 տոկոսանոց վարկեր՝ այգիներ հիմնելու համար․ Կառավարությունն ընդունեց որոշման նախագիծը․ ՏԵՍԱՆՅՈՒԹ
Տնտեսություն
29.03.2019 | 12:05
Կառավարության մարտի 29-ի նիստում գործադիրն ընունեց որոշման նախագիծ խաղողի, ժամանակակից տեխնոլոգիաներով մշակվող ինտենսիվ պտղատու այգիների և հատապտղանոցների հիմնման համար պետական աջակցության ծրագիրը։
Ծրագրով նախատեսված է 2019-2023 թթ.-ին տարեկան շուրջ 100 հեկտար այգիների հիմնման համար տրամադրվող վարկերի տոկոսադրույքի սուբսիդավորում և այգեհիմնման համար կատարված ծախսերի մասնակի փոխհատուցում։ Ծրագրի շրջանակներում տնտեսավարողներին վարկեր կտրամադրվեն 8 տարի ժամկետով, տարեկան 2% տոկոսադրույքով, իսկ սահմանամերձ համայնքների տնտեսվարողներին կամ առնվազն 3 հա այգի հիմնող կոոպերատիվներին` 0 % տոկոսադրույքով, կամ շահառուին կտրամադրվի ծախսերի մասնակի փոխհատուցում այգու հիմնման փաստացի կատարված ծախսերի 40 տոկոսի չափով, իսկ սահմանամերձ համայնքների տնտեսվարողներին և կոոպերատիվներին՝ 50%-ի չափով:
Այգիների տարածքների շուրջ 100 հեկտարով ավելացման արդյունքում ակնկալվում է այդ այգիների բերքատվության աճ՝ ներկայիս ավանդական այգիների համեմատությամբ առնվազն երկու անգամ։ Նոր հիմնված 100 հեկտար այգիներում կաթիլային ոռոգման համակարգի օգտագործման շնորհիվ ջրի խնայողությունը կկազմի շուրջ 50% :
Մանրամասները՝ տեսանյութում։
