14.01.2025 | 16:26
Ոստիկանները բացահայտել են հանցագործության 321 դեպք
Եվրոպայի հրապարակը հիշեցում է առ այն, որ Եվրոպան վերացական ըմբռնում չէ. ԵԽԽՎ նախագահ. ՏԵՍԱՆՅՈՒԹ
Տեսանյութեր
28.03.2019 | 12:10
Երևանի սրտում՝ Հյուսիսային պողոտայում, այսօր «Եվրոպայի հրապարակի» բացման արարողությանը մասնակցեց և խոսքով հանդես եկավ ԵԽԽՎ նախագահ Լիլիան Մորի Պասքիեն․ «Շատ խորհրդանշական է, որ այս հրապարակի անվանակոչության արարողությունը համընկնում է Եվրախորհրդի հիմնադրման 70-ամյակի տոնակատարությանը, իսկ Եվրոպայի խորհուրդը եվրոպական կառույցներից ամենահինը և ամենաընդարձակն է»,- ասաց նա։
Տիկին Լիլիան Մորի Պասքիեն նշեց՝ «Եվրոպայի հրապարակը» հիշեցումն է այն ճշմարտության, որ Եվրոպան ոչ թե վերացական կամ աշխարհագրական մի ըմբռնում է, այլ այն ներառում է բոլոր մարդկանց իրավունքները և ազատությունները:
«Եվրոպան բացի աշխարհագրական տարածք լինելուց, հարյուրավոր, միլիոնավոր եվրոպացիների բնակավայրն է, որոնք ապրում են տարբեր երկրներում, խոսում են տարբեր լեզուներով, սակայն նրանց միավորում են նույնական արժեքները»,- նշեց Լիլիան Մորի Պասքիեն։
Մանրամասները՝ տեսանյութում:
Ռոբերտ Անանյան
