13.01.2025 | 23:21
Հասմիկ Տոլմաջյանը նշանակվել է Շվեյցարիայում ՀՀ դեսպան
Հայաստանի ազգային ագրարային համալսարանի և Թայբեյի National Chiao Tung համալսարանի միջև ուսանողների և դասախոսների փոխանակման ծրագիր կիրականացվի
Հասարակություն
27.03.2019 | 21:40
Առաջատար տեխնոլոգիաների ձեռնարկությունների միությունից տեղեկացնում են, որ այսօր հանդիպում է տեղի ունեցել Առաջատար տեխնոլոգիաների ձեռնարկությունների միության (ԱՏՁՄ) անդամների և Թայբեյից ժամանած գործարարների և փորձագետների միջև։
«Քննարկվել են տեխնոլոգիական ոլորտի զարգացման ռազմավարական մոտեցումներ, «WCIT 2019 -ՏՏ համաշխարհային համաժողովի» առանցքային թեմաներ և այլ ծրագրեր։ Հանդիպմանը մասնակցել է Տեղեկատվական տեխնոլոգիաների և ծառայությունների համաշխարհային դաշինքի (WITSA) նախագահ տիկին Իվոն Չուն: Պատվիրակությունը Հայաստանում է ԱՏՁՄ նախագահ Ալեքսանդր Եսայանի հրավերով։
Համագործակցության փաստաթուղթ է ստորագրվել ԱՏՁՄ-ի և DIGITIMES-ի միջև՝ WCIT 2019 խորհրդատվական աշխատանքների և տնտեսության տարբեր ոլորտների զարգացման մոդելներ մշակելու վերաբերյալ: DIGITIMES-ը տեխնոլոգիական հարթակ և խորհրդատվություն ու այլ ծառայություններ մատուցող կազմակերպություն է, որը 1985 թ.-ից ակտիվորեն մասնակցում է նաև Թայբեյի ՏՀՏ ոլորտի զարգացմանն ուղղված աշխատանքներում:
Հանդիպմանը մասնակցել են նաեւ ԱՏՁՄ անդամներ՝ «Մենթոր Գրաֆիկս», «ԱյՅուՆեթվորքս», «Ինստիգեյթ դիզայն», «Ինստիգեյթ մոբայլ», «ՎՕԼՕ», «Սի Քյու Ջի Այ Մա», «Մայքրոսոֆթ Հայաստան», «Սիներջի», «Վորքֆրոնտ Հայաստան», «Էպամ», «Դ-Լինկ», «Իքս Թեք», «Գրանթ Թորնթոն» ընկերությունների ղեկավարներ եւ ներկայացուցիչներ:
Պատվիրակության այցի շրջանակում պայմանավորվածություն է ձեռք բերվել նաև Հայաստանի ազգային ագրարային համալսարանի և Թայբեյի National Chiao Tung համալսարանի միջև ուսանողների և դասախոսների փոխանակման ծրագիր իրականացնելու վերաբերյալ։ Քառօրյա աշխատանքային այցի ընթացքում գործարարներն այցելել են նաև ՏՏ ոլորտի մի շարք ձեռնարկություններ և կազմակերպություններ»,- ասված է հաղորդագրությունում:
