Սպառվել է այն ժամանակը, երբ ԱԺ նախագահն ու խորհրդարանական մյուս խմբակցությունները պետք է ծանոթանային «Լուսավոր Հայաստան» խմբակցության կողմից առաջարկված սահմանադրական փոփոխությունների փաթեթին: Այս մասին ԱԺ-ում Factor.am-ի հարցին ի պատասխան՝ ասաց Էդմոն Մարուքյանը:
«Պետք է ես հանդիպումներ ունենամ, հարցնեմ, թե ինչ եղավ: Մի անգամ հանդիպել եմ ԱԺ նախագահի հետ, ասաց, որ օտարերկրյա այցերից հետո կնստենք, կխոսենք»,- հավելեց նա: Այս փոփոխությունների փաթեթը ստեղծվել է «Ելք» խմբակցությունում: Factor.am-ը Մարուքյանից հետաքրքրվեց՝ արդյո՞ք տարօրինակ չի լինի, որ մեկ տարի անց «Ելք»-ի ՔՊ-ական թևը մերժի այդ նախագիծը: «Տարօրինակությունները քաղաքական կատեգորիաներ չեն: Մենք սովոր ենք նորմալ վերաբերվել տարօրինակ երևույթներին»,- պատասխանեց ԼՀ խմբակցության ղեկավարը:
Մանրամասները՝ տեսանյութում:
Նարեկ Կիրակոսյան
