20.12.2025 | 18:06
Ֆուտզալի միջազգային ընկերական մրցաշարի մասնակիցներից մեկը չի ժամանել Երևան
Մեղրիի զորամասերից մեկում միջադեպի փաստով երկու քրգործ է հարուցվել. Դատախազություն
Հասարակություն
27.03.2019 | 13:53
ՀՀ Պաշտպանության նախարարության՝ Մեղրիում տեղակայված զորամասերից մեկում գրանցված միջադեպի փաստով երկու քրեական գործ է հարուցվել: Factor.am-ին այս մասին տեղեկացրեց ՀՀ գլխավոր դատախազության հանրային կապերի բաժնի պետ Արևիկ Խաչատրյանը:
«Քրեական գործեր են հարուցվել ՀՀ ՔՕ-ի 364-րդ հոդվածի 2-րդ մասով՝ զինվորական ծառայությունից կամ դրա առանձին պարտականությունները կատարելուց զինծառայողի հրաժարվելը, որը զուգորդվել է դրանց փաստացի դադարեցմամբ և կատարվել մի խումբ անձանց կողմից ( պատժվում է կարգապահական գումարտակում պահելով՝ 1-ից 3 տարի ժամկետով կամ ազատազրկմամբ` 1-ից 5 տարի ժամկետով) և ՀՀ ՔՕ-ի՝ 375-րդ հոդվածի 1-ին մասով՝ պետի կամ պաշտոնատար անձի կողմից իշխանությունը կամ պաշտոնեական դիրքը չարաշահելը (պատժվում է ազատազրկմամբ՝ 2-ից 5 տարի ժամկետով)»,- նշեց Արևիկ Խաչատրյանը։
Հիշեցնենք, որ Մեղրիում տեղակայված զորամասերից մեկի զինծառայողներն օրերս ինքնակամ լքել էին զորամասը՝ բողոքելով իրենց ծառայակիցներից մեկին այլ զորամաս տեղափոխելու որոշման դեմ։
