10.10.2026 | 14:49
Վանաձորում, Հրազդանում, Արարատում և Գյումրիում փոշու պարունակությունը գերազանցել է թույլատրելի սահմանը
«Արսենալ»-ը պատրաստվում է Մխիթարյանի տրանսֆերին. պատճառը ֆուտբոլիստի բարձր աշխատավարձն է
27.03.2019 | 14:18
Անգլիական «Արսենալ» ֆուտբոլային ակումբը քննարկում է Հայաստանի ֆուտբոլի ազգային հավաքականի ավագ Հենրիխ Մխիթարյանի տրանսֆերի հարցը: Այս մասին հայտնում է բրիտանական Mirror պարբերականը։
Մխիթարյանի տրանսֆերի պատճառը նրա բարձր աշխատավարձն է՝ շաբաթական 180.000 ֆունտ ստերլինգ: Ֆուտբոլային ակումբը մտադիր է տրանսֆերից ստացված գումարով նոր «գնումներ» կատարել:
Հենրիխ Մխիթարյանն «Արսենալ»-ում ամենաշատ վաստակող ֆուտբոլիստներից է: Mirror-ի փոխանցմամբ՝ ֆուտբոլային ակումբի գլխավոր մարզիչ Ունայի Էմերին կարծում է, որ հայ ֆուտբոլիստի աշխատավարձը կարող է ծախսվել այլ նպատակների համար, մասնավորապես՝ նոր խաղացողների ձեռքբերման:
Էմերին պատրաստվում է նաև թուրքական ծագում ունեցող գերմանացի կիսապաշտպան Մեզութ Օզիլի տրանսֆերին: Վերջինի աշխատավարձը 350.000 ֆունտ ստերլինգ է:
Նելլի Մելքոնյան
