18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Էդ 50 տոկոս թիվը փոխեք, պարոն վարչապետ, վատ ասոցիացիա է գալիս․ Սերգեյ Բագրատյան․ ՏԵՍԱՆՅՈՒԹ
Քաղաքականություն
27.03.2019 | 12:24
Ազգային ժողովի «Բարգավաճ Հայաստան» կուսակցության պատգամավոր Սերգեյ Բագրատյանն անդրադարձավ Արարատ Միրզոյանի՝ երեկ արած այն հայտարարությանը, ըստ որի, եթե ընդդիմադիր ֆրակցիաները դեմ են «Կենսաթոշակների մասին» օրենքում փոփոխություն կատարելուն, կարող են խորհրդարանում դեմ քվեարկել այդ նախագծին։
«Պարո՛ն Միրզոյան, չեմ կարծում, թե Դուք այն կարծիքին եք, որ մենք դեմ կոճակի տեղը չգիտենք կամ դժվարանում ենք այն սեղմել»,- ասաց ԲՀԿ-ական պատգամավորը՝ հիշեցնելով, որ ընդդիմության դերը քննադատելն է, թեև այն դժվար է ընկալվում Արարատ Միրզոյանի կողմից։
Սերգեյ Բագրատյանի այս դիտարկմանն արձագանքեց ՀՀ վարչապետ Նիկոլ Փաշինյանը և նշեց, որ քննադատության իրավունքն անառարկելի է։
«Մեր հանրային դիսկուրսը պետք է փոխել, այն 23 տարի եղել է հետևյալը․ ով ում հետ ունի կամ չունի, կամ ով ում ոտքի տակը փորեց, կամ ով ումից ինչ գողացավ։ Մեր երկրում 23 տարի անընդհատ եղել է իշխանափոխության սպասում, և այս սպասումը բխել է իշխանության ոչ լեգիտիմ բնույթից, ուստի այս տրամաբանությունը ձևավորել է ողջ հանրային դիսկուրսի տրամաբանությունը և այժմ այդ 23 տարվա իներցիան փոխվում է»,- ասաց Փաշինյանը։
Սերգեյ Բագրատյանը նաև անդրադարձավ Կառավարության ղեկավարի այն դիտարկմանը, որ տնտեսական հեղափոխության իրականացման համար Կառավարությունը աջակցելու է գյուղացիներին՝ 50 տոկոսի չափով փոխհատուցում տրամադրելով նրանց, եթե միանան գյուղատնտեսական ապահովագրության ծրագրին։
«Էդ 50 տոկոս թիվը փոխեք, պարոն վարչապետ, վատ ասոցիացիա է գալիս»,- նկատեց պատգամավորը:
Նրան ի պատասխանն էլ Փաշինյանը հումորով արձագանքեց․ «Հա, հիմա էլ Կառավարությունը վերցրած 50 տոկոսները հետա ա տալիս»։
Մանրամասները՝ տեսանյութում։
Աղավնի Սուքիասյան
