18.12.2025 | 23:09
Գիտությունն ավելի հաճախ պետք է կապվի արդյունաբերության հետ, որպեսզի արդյունավետությունը հնարավոր լինի չափել. Հակոբ Արշակյան
Իսրայելը հարվածներ է հասցրել Գազայի հատվածի ուղղությամբ
Քաղաքականություն
26.03.2019 | 14:48
Իսրայելցի զինվորականները հարվածներ են հասցրել Գազայի հատվածի ուղղությամբ: Պաշտպանության բանակի մամուլի ծառայությունը հաղորդել է օդից «ահաբեկչական թիրախների վրա» 15 հարձակման, ինչպես նաև զինյալների մի քանի օբյեկտների ուղղությամբ հարվածների մասին: Այս մասին հաղորդում է ՌԻԱ Նովոստին:
Հարձակմանը օդանավեր, ուղղաթիռներ և տանկեր են մասնակցել: Զինվորականները գրել են, որ անհրաժեշտության դեպքում պատրաստ են ընդլայնել գործողությունը:
Իսրայելի հարավային Աշկելոն, Նեթիվոտ և Օֆակիմ բնակավայրերում դասերը դպրոցներում չեղարկել են՝ ակնարկելով, որ պաղեստինցի զինյալների հետ հերթական դիմակայությունը չի ավարտվել:
Չնայած եգիպտոսցի միջնորդների հաջողության մասին հայտարարություններին, որոնք կողմերին հորդորում էին հրադադար հայտարարել, Գազայի հատվածի սահմաններին գիշերը տագնապի ազդանշանները շարունակել են հնչել՝ իսրայելցիներին զգուշացնելով նոր հրթիռային հարվածների մասին: Երկուշաբթի երեկոյից իսրայելցի զինվորականները Գազայի հատվածից շուրջ 30 հրթիռի արձակում են արձանագրել, որոնց մի մասը որսացել են:
Հակամարտությունը հերթական անգամ սրվել է՝ Իսրայելի՝ խիտ բնակեցված կենտրոնական հատվածի հրթիռակոծության հետևանքով: Միջադեպի հետևանքով 7 իսրայելցի է վիրավորվել, այդ թվում՝ երեք երեխա:
