16.01.2026 | 13:10
Կրկնակի օլիմպիական չեմպիոն Աբդուլռաշիդ Սադուլաևը պայմանագիր է կնքել RAF-ի հետ
Ես հասկանում եմ, որ կամերաների առաջ հաճելի է ունենալ դեմագոգիկ ելույթներ․ Արարատ Միրզոյան․ ՏԵՍԱՆՅՈՒԹ
Քաղաքականություն
26.03.2019 | 12:58
Ազգային ժողովի նախագահ Արարատ Միրզոյանը չի հասկանում այն պատգամավորներին, որոնք քննադատում են որոշակի թվով մարդկանց համար նվազագույն կենսաթոշակը բարձրացնելու՝ Կառավարության ներկայացրած օրենքի նախագիծը։
«Իսկապես զարմացած եմ: Հիմա Կառավարությունը բերել է մի նախագիծ, որով ինչ-որ թվով մարդկանց համար հարց է լուծվում, և հնչում են քննադատություններ, բա ինչո՞ւ 10 և 12 տարվա աշխատանքային ստաժ ունեցողների միջև անհավասարություն է առաջանում»,- ԱԺ-ում իր ելույթի ժամանակ ասաց Միրզոյանը։
Վերջինս նշեց, որ համաձայն է, որ 10 և 12 տարի աշխատած մարդիկ ավելի բարձր կենսաթոշակ ստանալու իրավունք ունեն, բայց կա մի շեմ, որը վերաբերում է սովամահ չլինելուն, որից ներքև թոշակ վճարել չի կարելի:
«Կառավարության բերած օրենքի նախագիծը հենց սրա մասին է։ Ես հասկանում եմ, որ կամերաների առաջ հաճելի է ունենալ դեմագոգիկ ելույթներ, եթե այդպես է, կարող էի առաջարկել, որ խոսեք՝ իսկ ինչու՞ չի սահմանվում 100 կամ 300 հազար դրամ, կամ մի՞թե հնարավոր է ապրել 50 հազար դրամով»,- նշեց ԱԺ նախագահը՝ պատգամավորներին առաջարկելով շատ ավելի սթափ արձագանքել նման փոփոխություններին։
Արարատ Միրզոյանն առաջարկեց ընդունել, որ Կառավարությունն այս նախագծով կարևոր քայլ է կատարում, իսկ ընդդիմադիր խմբակցություններին խորհուրդ տվեց էական վերապահումներ ունենալու դեպքում դեմ քվեարկել օրինագծին։
Մանրամասները՝ տեսանյութում։
Աղավնի Սուքիասյան
