16.01.2026 | 13:10
Կրկնակի օլիմպիական չեմպիոն Աբդուլռաշիդ Սադուլաևը պայմանագիր է կնքել RAF-ի հետ
18 հազար կենսաթոշակառուի թոշակը կբարձրանա․ օրենքը կունենա հետադարձ ուժ․ փոխնախարար․ ՏԵՍԱՆՅՈՒԹ
Տնտեսություն
26.03.2019 | 11:32
Ազգային ժողովի մարտի 26-ի արտահերթ նիստում քննարկվում է «Պետական կենսաթոշակների մասին» Հայաստանի Հանրապետության օրենքում լրացումներ և փոփոխություններ կատարելու մասին նախագիծը։
Հարցի զեկուցող Աշխատանքի և սոցիալական հարցերի փոխնախարար Սմբատ Սաիյանը նշեց, որ առաջարկվող փոփոխությունների արդյունքում կենսաթոշակային համակարգ կներմուծվի նվազագույն կենսաթոշակի չափի մասին նոր եզրույթը, որից ցածր կենսաթոշակ չի կարող վճարվել։
«Այս նախաձեռնությունը կվերաբերի շուրջ 18000 կենսաթոշակառուի, որոնք ստանում էին ծայրահեղ աղքատության գծից ցածր կենսաթոշակ։ Նրանց այսուհետ կենսաթոշակ կվճարվի Կառավարության սահմանած նվազագույն կենսաթոշակի չափով։ Պետական բյուջեում այս փոփոխությունը կբերի 800 միլիոն դրամի ծախսերի ավելացման, օրենքն ընդունելուց հետո այն կունենա հետադարձ ուժ, ավելացված թոշակի չափը կհաշվարկվի և կվճարվի 2019 թվականի հունվարի 1-ից․ 25 500 դրամից պակաս կենսաթոշակ ստացող անձանց համար հաշվարկներ կարվեն և կվճարվեն այդ գումարները, որով էլ կբացառվի ծայրահեղ աղքատության գիծը»,- մանրամասնեց փոխնախարարը՝ շեշտելով, որ այս օրենքի նախագծի ընդունումից հետո 25․500 դրամից պակաս կենսաթոշակ Հայաստանում չի վճարվի։
Մանրամասները՝ տեսանյութում։
Աղավնի Սուքիասյան
