02.07.2026 | 17:27
Արմեն Մուրադյանը նշանակվեց բժշկական համալսարանի ռեկտոր․ ՏԵՍԱՆՅՈՒԹ
Արծվաշենցիները պահանջում են իրենց կորուստների փոխհատուցում․ ՏԵՍԱՆՅՈՒԹ
Հասարակություն
25.03.2019 | 17:59
1992թ. օգոստոսի 8-ին ռազմական գործողությունների հետևանքով Գեղարքունիքի մարզի Արծվաշեն համայնքից բռնի տեղահանված բնակիչները, որոնք նախորդ տարվա սեպտեմբեր ամսին բողոքի ակցիա էին իրականացրել կառավարության շենքի դիմաց՝ պահանջելով գույքային փոխհատուցում և բնակարանային պայմանների բարելավում, մեկ անգամ արդեն հանդիպել են վարչապետ Նիկոլ Փաշինյանի հետ, սակայն իրենց խնդիրների քննարկման հետ կապված երկրորդ հանդիպումը վարչապետի հետ մինչն այսօր տեղի չի ունեցել։
Այսօր հրավիրված մամուլի ասուլիսի ժամանակ Արծվաշեն հայանքի ղեկավար Մամիկոն Խեչոյանը նշեց, որ և՛ նախկին իշխանությունները, և՛ ներկա իշխանությունները հաճախակի պնդել և պնդում են, որ արծվաշենցիների բնակարանային պայմանների խնդիրը շատ նման է աղետի գոտու բնակիչների խնդիրներին, սակայն, ըստ Խեչոյանի, փախստականների խնդրի հետ իրենց խնդիրները նույնացնել պետք չէ, քանի որ իրենք իրենց բնակարաններից դուրս են եկել ընդամենը երկու ժամվա ընթացքում։
«Երբ հոկտեմբերի 2-ին հանդիպեցինք նորընտիր վարչապետի հետ հետաքրքրվեց՝ ինչ գումարի մասին է խոսքը, ասացինք, որ էն ժամանակ 708 ընտանիք է տեղափոխվել գյուղից, և այն ժամանակ խոսք էր գնում յուրաքանչյուր տեղափոխված ընտանիքին հատկացնել 1 մլն դրամ։ Սակայն այդ հանդիպումից հետո Տարածքային կառավարման և զարգացման նախարարի մոտ եղավ հանդիպում և կտրուկ ասացին, որ այդ հարցին չեն անդրադառնում, բայց կիրականացնեն զարգացման ծրագրեր Ճամբարակում, Շողական և այլ համայնքներում ապրող արծվաշենցիների համար»,- նշեց Խեչոյանը։
Մանրամասները՝ տեսանյութում։
