16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Կառավարությունը 626 մլն դրամ հատկացրեց «Հայաստան», «Սևան», «Դինամո» դպրոցներին․ ՏԵՍԱՆՅՈՒԹ
Քաղաքականություն
25.03.2019 | 15:27
Կառավարության մարտի 25-ի արտահերթ նիստում գործադիրը հավանության արժանացրեց ՀՀ սպորտի և երիտասարդության հարցերի նախարարի պարտականությունները կատարող Գաբրիել Ղազարյանի ներկայացրած նախագիծը, որով առաջարկվում է «1148 արտադպրոցական դաստիարակության» ծրագրի շրջանակում «Հայաստան», Հայաստանի «Սևան» և Հայաստանի «Դինամո» մարզական կազմակերպություններին հատկացնել 626,311,000 ՀՀ դրամի չափով գումար, քանի որ ՀՀ սպորտի և երիտասարդության հարցերի նախարարությունը նպատակահարմար է համարում ծրագրված գումարները առաջին կիսամյակում հատկացնել այս հասարակական կազմակերպություններին՝ առանց մրցույթի տրամադրվող դրամաշնորհի ձևով:
Ըստ նախագծի՝ ներկայումս ՀՀ-ում գործում են հենց այս 3 կազմակերպությունները, որոնք լինելով արտադպրոցական դաստիարակություն իրականացնող մարզական հասարակական կազմակերպություն, ունեն 22 մարզադպրոց, որտեղ էլ մարզվում են ավելի քան 5000 սան:
Ընդ որում՝ տարեսկզբից չխախտելով ուսումնամարզական պրոցեսի անընդհատությունը հասարակական կազմակերպություններում սաները շարունակում են անցկացնել իրենց պարապմունքները:
ՀՀ վարչապետ Նիկոլ Փաշինյանը հետաքրքրվեց, թե այս մարզական դպրոցների ենթակայության տակ գտնվող սպորտդպրոցներն ինչո՞վ են տարբերվում մյուս սպորտդպրոցներից, ինչին ի պատասխան Գաբրիել Ղազարյանը նշեց, որ որևէ տարբերություն չկա։
«Այստեղ կա մեկ հանգամանք՝ այդ ՀԿ-ների սեփական մարզակառույցներն օգտագործվում են որպես մարզադպրոցներ, իսկ հրաժարվելով դրանցից, մենք վտանգի առաջ կկանգնենք երեխաներին սպորտդպորցներում տեղավորելու հարցում»,- ասաց Ղազարյանը՝ ընդգծելով, սակայն, որ այժմ նախարարության կողմից մշակվում է սպորտդպրոցների ուղղվածության վերաբերյալ քարտեզագրում։
Մանրամասները՝ տեսանյութում։
Աղավնի Սուքիասյան
