02.07.2026 | 22:37
Վթարային ջրանջատում` Արարատի մարզում
Երևանի ԲԿ-ների բժիշկները երեք մասով կուղեգրվեն մարզեր. Լենա Նանուշյան. ՏԵՍԱՆՅՈՒԹ
Հասարակություն
25.03.2019 | 11:11
Մարզերում առկա բժիշկների բացը լրացնելու նպատակով ՀՀ Առողջապահության նախարարությունը պետական պատվերի շրջանակում օրդինատուրա անցնող ուսանողների հետ պայմանագիր է կնքում, որպեսզի նրանք ուսումն ավարտելուց հետո հինգ տարի ժամկետով աշխատանքի անցնեն մարզերում: Այս մասին ԱԺ առողջապահության և սոցիալական հարցերի մշտական հանձնաժողովի նիստին հայտարարեց փոխնախարար Լենա Նանուշյանը:
«Այս պահին մարզերում երկու հարյուր մասնագետի թափուր տեղ ունենք: Հիմնականում մարզերում բացակայում են անեսթեզիոլոգները: Անցած տարի 49 տեղ տրվել է մեզ, մենք նրանց հետ պայմանագիր ենք կնքել: Մեխանիզմն այն է, որ նրանք օրդինատուրա անցնելուց հետո ուղեգրվում են այն մարզը, որտեղ առկա է իրենց մասնագիտությամբ թափուր տեղ»,- ասաց փոխնախարարը:
Նա նշեց, որ մարզեր ուղեգրելու են նաև երևանյան ԲԿ-ների բժիշկներին՝ երեք ամիս ժամկետով:
Մանրամասները՝ տեսանյութում:
Նարեկ Կիրակոսյան
